去高登or 眼鏡88 買隱形眼鏡好?

以我所知，高登係連鎖眼鏡舖中最貴嗰間，眼鏡88應該會較平，
我近幾年配眼鏡或con都幫襯眼鏡88，好似為$600-$800一對長戴con，disposable con就因為牌子多戴嘅日期長短都唔同，但我相信generally都係眼鏡88平d。

服務都ok，一般都好有禮貌。我上年年尾喺元朗分店試有框眼鏡試，好耐都揀唔定，個人都唔會面燶，問佢邊款啱d，都會俾d意見你，唔會係咪都答"幾好呀"。

但我媽就透過d同事介紹，咁多年以嚟配親con都只係幫襯灣仔"蔣氏隱形眼鏡中心" (有框眼鏡就會幫襯連鎖店)，嗰班女人/太太話嗰度專業d、驗眼準d、視光師好d pro d……等等。我生平第一副con都喺蔣氏配，咁回想起比起我幾年後自己去一般眼鏡舖配嗰d，確實真係唔錯。

但蔣氏價錢較貴，我後來自己配因為自己唔捨得洗錢，所以無幫襯番蔣氏，但我媽話，戴上眼嘅嘢寧願貴d、好d、穩陣d，唔好攞自己對靈魂之窗嚟"較飛"。

因高登及眼鏡88隱形眼鏡睇你選擇什麼牌子隱形眼鏡，但眼鏡88會貴D及質數好D。

高登,價錢平d,可以耐用