個個都話我幸福, 我真的幸福嗎? 我點做好...我個心好亂...

1) 先談談A先生︰

「A係一個成日出黎玩出黎吧玩，飲酒的人，同佢行左3年，因為佢唔願意改變佢的生活方式，成日唔做野」 – 佢係一個唔值得你愛的男人，淨係唔做野都夠死，仲要成日落吧飲酒，呢個男人只而遠觀不而洩玩。

「無錢玩先找我陪佢食飯」 - 佢係咪真係愛你嫁？

「A一直都好愛我，曾經因為我要結婚走去自殺」 - 為你自殺唔代表佢愛你，或者佢覺得佢失去你無佐件好野，加上走投無路先會自殺，何況佢自殺的原因都你都係聽佢阿媽講，未必係事實，你都唔會成日同阿媽講啲咁深入既野，何況係一個男人老狗。

「其實我個心好亂...我想返去以前，從新黎過」 - 你之前都係因為頂唔順A的生活方式先放手，依家問題都未解決又走返埋去，咁係無意思嫁喎，最後忍唔到又再分多次手，咁咪好傻。加上一個人怎樣愛你也需要金錢去生活，你估真係有情飲水飽咩，咁你個BB點算呀？奶粉錢同尿片錢都好貴嫁，你做佐人媽媽啦，現實啲啦！

2) 再談談B先生︰
「我上年同B有左bb所以結婚，B一直都係一個好老公，因為佢細心,對我好」 - 佢都算係一個有責任感的人，起碼會對自己做過的事負責任。

「同B拍拖的時候，佢巳經成日呃我同其他女性去街」 - 為何你會選擇一個成日講大話的男人？你要改變佢呢個問題，要先了解佢喜歡講大話的原因。

「因為我最近發現...B又同前度女友去旅行」 - 我不知他為何要欺騙你，但如果佢和前度女友沒有做任何越軌的事，這次還可以再接受一次，但必須和他講清楚，不要有下一次，一定要表明自己的立場。

「個個都話我幸福，我真的幸福嗎？」- 幸福係一個好主觀的感覺，只要你覺得幸福你便是幸福。我不敢去答你你是不是真的幸福，但我可以告訴你︰「你已比其他人幸福很多。」好多人拍拖時有佐BB，男朋友知道佐件事之後就一走了之，人影都唔見，而B願意承擔自己的責任，B已是很好。不過，佢講大話的問題真係令人廢解，佢成日同其他女仔做D咁暖昧的行為，真係好難令人地唔誤會佢BOR，你真係要快D同佢傾下，研究下佢究竟為佐什麼先咁做。最後，我希望你選擇留低或離開B的時候﹐可以加埋你BB的成長及生活作為元素，生得佢出必定要顧及佢的感受，其實BB幸福你咪幸福囉，佢愛心你就開心嫁啦！唔好諗埋D無謂野，將你的注意力放係你個BB度，你會發覺你的煩惱會減少好多。

P.S. 若你做事前會三思，不用去到有了孩子才結婚這個地步，你便不會建立一個不平等的婚姻關係，就不會去到這個進退兩難的地步，記住，三思而後行，雖然會損失了當時那一刻的快感，但你可以令將來避過很多不快的困境的來臨，到頭來，得益也是你自己。記住，已發生的事就當作一個教訓，將來遇到同樣的事情時，要學識怎樣去處理啊。

個個人幸福的定義都唔同。

首先, A君 ----- 這個你不用去再諗... 都唔好去理佢... 你係佢身邊時佢都唔珍惜你, 算吧! 佢有幾愛你都無用, 佢由始至終都為你和你們的將來著想過和付出過, 這不是愛, 佢自殘, 只是一件本來係自己的玩伴唔見左啫....
過左去的事就無得返轉頭.... 請面對現實!!
B君已是你老公, 是BB的爸爸, 需要向一個家庭負責, 所以反而今次佢要去旅行, 要向你和BB交代....
要平心靜氣咁問佢有關佢同前女友的事, 要有一個答案, 你也要有一個打算...
別人點睇點話你幸福與否, 不用理會.... 不要理別人的眼光..
要攪清楚自己和BB的處境

我就覺得a更加唔好,佢過d咁既生活又唔做野
如果佢之前係珍惜你既,你就唔會同佢分手.
有幾愛你,佢自己都無講.
而且得個講字都無用,佢都無為你改.
即係無誠意.

至於b,唔知你地係咪仲年輕.
我相信b都係未定性,但起碼佢負責任又細心
佢身邊多女仔你一早就知
你同得佢一齊就要想法子去慢慢改變佢,
如果你係愛佢既,你就要試
一定要平心靜氣去解決或者同佢傾傾


1)有時唸唔結婚好過結?
千期唔好咁諗,後悔只會加添你煩惱.
比多少少時間大家,bb可能令你地有所改變

2)至於幸福,唔係人地話既
最重要你自己覺得

只要你冷靜一段短時間.相信你會知點做.
希望你好快就覺得自己好幸福.~~~~

很複雜的關係咁,,

你其實鐘意邊個多D?
幸福,,呢個詞彙太虛無縹緲,,
但我諗,,
幸福就應該係你可以同自己深愛既人一齊,,
有一個美滿既家,,過住你想過既日子!!

所以,,你到底係咪同緊你最鐘意既人一齊,,
先係幸福既要點!!

我覺得B,,唔值得你再同佢一齊,,
雖然B對你都好好,,
但B到底對你好定對個BB好?
佢仲背住你同另一個去旅行,,真係好過份!!

你既經濟能力許可,,你應該離開佢,,
同佢離婚…即使要做單親媽媽!!

到A,,你放唔低佢,,
可能係你仲鐘意佢,,
或者係你發現佢好愛你,,你有D動搖
無論如何,,你應該想清楚,,
你既所愛,,

如果你覺得你係愛A既話,,
去搵佢,,睇下可唔可以同佢重新開始,,
又或者睇下佢到底會唔會接納你,,同埋BB…
如果佢係真心愛你,,
你就更加要勸佢,,
為左你同佢既將來,,佢應該發奮!!
應該去做野,,唔好再吊兒郎當!!

即使你發覺你都係愛B多D,,
你唔想離開佢,,
或者你諗清楚,,你想留係呢個"似係幸福"既家庭
但係我覺得呢種人係唔值得愛!!
而且一個咁既人,,背住你做呢D野
你又點會得到真正幸福??


或者一切我地都睇得唔清楚,,
身為當局者既你都未必搞得清情況,,
何況我呢個只係網友,,唔清楚你真實環境既人…

當我回答呢D感情關係,,
我都覺得,,
應該講哂D野出黎!!
搞清楚所有野,,
咁樣問題先可以解決…

你可以追問B到底同前女友去旅行係咩一回事
或者事實未必係你我所諗既一樣,,
當事情原來係誤會,,B真係好愛你,,
你也許可以向佢講你既感受,,
希望佢可以改,,唔可以再講大話…
咁樣你就真係有一個幸福家庭…

如果B真係咁不堪,,佢根本唔愛你
只係為左責任,,為左BB先同你結婚,,對你好,,
咁你真係要離開佢!!


既然A好似好愛你咁,,
你都應該搞清楚呢件事,,
如果佢真係仲好愛你,,
而你又發覺自己已經有一個幸福家庭
咁你倒不如同佢講清楚,,
希望佢死心,,唔好拖拖拉拉,,

如果講清楚之後,,
發現你同A都係兩情相悅…
咁真係希望你可以排除所有困難,,
最後可以開心,,

總之,,
你應該先清楚自己既諗法,,
再去確認事實既所有,,
勇敢去面對,,去搞清楚所有野,,
咁樣你先可以清楚咁知道自己應該點去選擇,,

到底離開定留低,,
到底幸福定唔幸福,,,


最後,,回答你問"我真的幸福嗎"
我只可以答你,,
答案就係被濃霧遮蔽住既事實後面!!
答案就係你心入面…

加油,,
幸福係要自己去爭取!!

你要ｏ係你ｏ既幸福同ｂｂ方面諗，如果你地離婚，邊個照顧ｂｂ？你定佢先？定係俾屋企人照顧？你所做ｏ既野都會影響ｂｂ個身心發展架～
另外，即使你離婚都唔代表要番去Ａ度，佢都唔見得係個好上進ｏ既人，如果ｂｂ跟你，而你又同Ａ一齊，佢會唔會唔鐘意個ｂｂ先？又有冇時間理佢先？有冇錢？佢好似成日要你擔心喎，咁佢同你老公有咩分別？
如果愛只係兩個人，我覺得你可以嘗試同番Ａ，但係ｂｂ要放埋入去考慮嘛～
所以我覺得你即使離婚，都應該重新搵個個可以照顧你同你ｂｂ　ｏ既人～
Ａ同Ｂ明顯地都唔係可以俾到幸福你ｏ既男人～

愛一個人唔係要佢改變，要自己去包容佢。當對方包容你ｏ既時候，你亦應該想下自己ｏ既缺點，盡量改善，咁先係幸福。

i am a boy, i am relatively direct

你要轟烈愛情, 請選a

你要安穩將來, 請選b

你要真正的幸福, 請等未來的c (前提是你對自己既條件有信心. you are married, you have bb, 都會有礙你尋找幸福, 你其他的條件要好好才行)

你已經為左你先生生左個bb
你認為你同a仲有機會嗎?
而且他是一個不負責的男人
怎樣照顧你同bb?
你有個幸福家庭?我卻不覺得
但既然同佢結左婚仲生埋bb
就要好好地為這段婚姻付出
不要再牽掛a了!
你這段婚姻剛剛開始,還有很長時間
你知道你的先生背叛你,就應該好好地跟他談一談
講出你的感受
如果他還是故態復萌
你就可以好好地想清楚自己想要些什麼
在改善與他的溝通同時
亦不要忘記改善自己
當你知道他同其他女性去街時
你是否會大發雷霆呢?
做女人要有大方點
兩公婆的相處有很多技巧
包括坦誠
他做不到,就你做先吧!

好煩...好亂七八糟喎! 你生左BB未? 如果你同B都同床異夢, 咁不如大家講清楚, 咁起碼大家無咁辛苦同埋可以快D個出現, 諗下點解釋件事.....
但我就唔睇好你同番A 一起囉, 雖然我明白你有D唔甘心, 但長遠計一定唔會有好結果..
我寧願你再等下一出現, 過新生活....但個BB點呢?

信我啦, 三口六面講清楚, 係第一步你要做既

女人應該搵一個比自己愛得對方深既男人
a同b都有唔好既地方

先講講a:
佢d生活習慣咁差
成日落酒吧蒲
去埋d龍蛇混雜既地方
一定有d豬朋狗友
點會對你好?
即使佢好愛你
喊生喊死
太表面喇!
為左你自己既終生幸福
唔好揀佢la

再講講b:
佢咁花心
咁多個女仔圍住佢身邊係咁轉
係女人都呷醋la!
你話佢因為個bb先同你結婚
即係佢對妳根本冇咩感覺
純粹係為左負責任
仲要講咁多大話去握你
雖然佢咁做可能係因為避免爭執
或者唔想你嬲
但一對夫妻貴乎坦誠
咁段情先會長久
你諗真d
你係咪真係好愛佢?
或者同佢搵個時間傾傾
商量一下
如果你仲有青春
可以考慮搵一個真真正正對你好既男人

希望你消除所有煩惱!
做一個幸福既女人!
祝你生活愉快!