我想問下點樣能夠係演唱會買到第一行握手位既飛?(10分)

我試過好早就去買kelly的飛，但係已經有人排緊，可能係樹通宵，不過聽人地講話第一行個d飛唔單止貴，d飛仲係vip黎添，so好難拎到第一行的飛，除非有熟人係如樂圈，如果唔係都幾難可以買得到

樓上都講得arm.要買到第1行.
真係最好識內部d人.例如:唱片公司/主辦機構.

睇過咁多次Concert,有時就算排通宵都未必有用,
因為有時佢分比公開發售既區域根本唔係第1行..
所以您點排買極都可能係5行之後. 不過都可以1試!

如果德福本身劃左個區域係for排隊買飛既人既話,
您可以係果個區度排啦索性.................
至於您話德福間TOMLEE係入面..
可以去最近tomlee既門口排........
到商場開門,再入去tomlee排...

或者可以去城市電腦售票網排....多數係大會堂....
出面會有d欄寫住比人排隊既.................

PS. 我自己之前睇呀rain/hocc..個個後排既人都衝晒上前,
但最好本身成個concert情緒高漲呀...好high咁....
如果唔係都好易比人打.....哈哈哈哈...................
所以您就算買到後d既飛,都有機會握到手...

就算俾你係第一個買到公開飛既人
都未必會係第一行, 又或者係邊邊/角位既第一行

最好既位都會留俾唱片公司, 贊助商, 所以如果想要握手位, 就要睇下有冇朋友起呢d 公司度做喇. 做 PR 公司既人應該會有多d 門路