我太太有了4個月...還是食甚麼便嘔甚麼...有甚麼解救方法????急急急20分!!

你咁緊張你太太..佢真係幸褔...我果時由2個月嘔得8個月...係每日都勁嘔果隻...

睡前..放得d餅小食係床邊...有時半夜有d肚餓..就起身食片餅..咁早上要嘔起上黎,都唔會嘔黃膽水咁辛苦..(個人覺得會嘔有2個大原因..一係食得太多,個胃頂住...二係個胃太"吉"完全冇食物係入面)...早上一起身..就食d梳打餅,化下胃氣...或者食花生/花生醬等等..都可以令到孕婦冇咁辛苦..麵包食完飲水會"帳"住個胃...重辛苦..少食多餐...叫你老婆唔好迫自己食..有時食左一兩啖覺得個胃開始頂住就好停啦...等自己舒服d先再食...
你老婆有冇返工?冇就輕鬆好多架啦...買定多d唔同既食物係屋企...等佢想食乜時都可以整黎食嘛...因為孕婦口味變得好快...佢重要嘔得咁辛苦...要佢食時就最好係佢最想食果d野囉
如果佢要返工既,就要辛苦少少..每日都準備幾個小食物盒..方便佢係公司少食多餐...簡簡單單沙律,三文治等..當然要佢like既口味先得啦
其實呢,你老婆有食過乜係唔會嘔架?我果時食雪糕就最happy,食完唔會嘔...我之前都係飲啖水都會嘔既孕婦...重有如果老婆本身唔係好like酸濕野..就唔好比話梅果d佢食啦...我果時就係聽人講..有用..結果食完連黃膽水都嘔埋出黎
怕冇營養可以飲孕婦奶粉..我果時一日6,7餐...餐餐嘔..初時體重下降添..走去睇醫生,佢都只係叫我入院吊鹽水...一係就嘔都要食...食左落肚點都會吸收dd..同飲孕婦奶粉..好高營養,好多孕婦都係因為飲左孕婦奶粉而過重..結果雖然我日日嘔...但係到我生仔時都重左40lbs

向好果方面諗..其實有孕吐係好事...即係bb係肚入面不停成長緊^^ 加油啦...4個月啦..好快就會feel到bb係肚入面郁黎郁去....照左超聲波未呢??睇到係仔定女架啦

我之前也試過...一日嘔足十幾次, 我試過睇婦科, 佢無任何意見, 只是話如果再這樣下去, 唯有入院吊鹽水吧。
於是我睇中醫, 佢介紹我平日食"薑炒飯"及飲"檸檬水"。
薑炒飯----拍大量薑蓉, 少米(半嘜、不用洗), 燒熱穫, 不用落油, 將米及薑蓉炒至金黃, 落水滾, 當煲粥仔似的, 是乎你喜歡的稀爛程度, 即食便可。中醫話, 即使食不倒, 飲薑米水也不錯。
檸檬, 本身對孕婦及胎兒有益, 平日可當開水飲用, 可舒緩孕婦的作嘔。
中醫又話原來我懷孕期間受不了牛奶(平時一日一支), 於是佢建議我轉飲豆奶, 情況好轉了好多, 嘔吐的情況大大改善。
所以有需要時可找可信的中醫問診, 也不錯。
希望幫倒你。

試吓買片雞胸肉(要冇肥,全瘦肉), 拍大塊薑, 先將薑同約三碗半水放落煲煮至水滾, 水滾起後放埋塊雞胸肉落去煮, 等水再滾轉中火煮10分鐘, 熄火焗(最少)10分鐘,

煮出泥d雞湯應該幾清吓, 試吓襯熱用隻湯匙逐羹慢慢飲, 怕淡可以落小小鹽. 如飲湯ok可以食埋塊雞肉,有營養d

薑暖胃, 雞補身, 試吓la. 我果時都係飲清水都唔dim, 西藥都食唔到, 到生之前都食唔倒飯, 但飲呢個湯就好舒服, bb出世都好健康.不過人人唔同, 有時體質,心情,天氣都有影響, 希望幫倒你la