成個療程裏吃小左粒抗生素會有咩後果(20分, 只限給予非抄襲文章的人)thx

有幾樣野你必須說明：
1)你因為什麼病而要食抗生素
2)你食邊一種抗生素同理係要求要隔幾耐食一粒eg.四個鐘/六個鐘
3)你之前食左幾多日
4)當你發現自己少食左一粒時你幾時再食返
好了!我相信醫生都有同你講過，一兩粒抗生素或者食一兩日係無效的，根據藥學理論：抗生素進入人體之後有一部份會吸收作用，而一部份就會排出體外或者功用消失，所以抗生素係人體效力係一粒一粒累積出來。唔同抗生素有唔同所謂"達到治療用量"，亦好睇你係患左邊一個病(唔同病或者唔同病菌療程都有不同的)
少食左有什麼後果呢？有幾種情況：
a)你剛剛才開始食：藥物本身都未到治療量，所以最多只是延遲你個治療時間，一般可以係之後補食返多一粒(根據療程)(注意：呢種做法唔係隻隻藥都得)
b)你已經食左一段時間：即係已經到治療量啦，甘就要睇下呢隻藥對你個病有無控制，有改善的並越漸變好，無太大問題，跟住補返食一粒(根據療程)
c)如果你個病程控制唔理想…甘食多同食少一粒都無助你個病程，呢個時候，快快去睇醫生啦
p.s.最後都要奉勸一句人體有一定程度自我保護機制，好似發燒呀甘，所以建議如果只係小病(尤其如果係病毒引起)不要吃抗生素，一來因為抗生素只對細菌有效，二來食得太多人體對抗生素會有抗藥性，甘下次你唔好彩有大病時候，可以選擇的藥就會少左或者份量比正常加重。明白無！
good luck!