廣東省哪個溫泉最正，最好玩？

廣東省全新大型的溫泉,
就定係海泉灣度假城啦!
那裡的溫泉被譽為南海第一泉!!!

佢係香港中旅國際投資有限公司起的,
投資逾 20 億,
(一開放的時候好貴的,
成日有好多內地的名房車停在出面,
一定招待好多內地的有錢人啦~~~
現在就平番點了)

佢係位於珠海西部，背山面海...
(不過交通都幾遠... 係斗門
建議最好有酒店專車接送!)

佢以罕有海洋溫泉為核心，由兩座五星級度假酒店、刺激動感的神秘島主題樂園、集美食娛樂大型演藝於一體的漁人碼頭、高科技的現代劇院、星級服務的康體中心、為健康加油的健身俱樂部等七大項目構成。
(即係乜都有得玩,
大人小朋友都中意~~~)

我只係去過佢的溫泉, (跟團~)
神秘島的機動遊戲, 酒店...就無去過啦...
佢的溫泉好, 就係夠新, 夠乾淨, 夠好服務, 夠多溫泉池, 夠熱, 夠特色!!!
唔好去舊的溫泉館, 去過都怕~

睇農曆年後自由行,
會買套票嗎?
以雙人房1間1晚計, 包自助早餐2位, 門券2張,
香港/九龍來回中山港碼頭船票各2張, 酒店來回中山港碼頭接送(車程約1小時30分)
大約要二千到二千五百,

如果住珠海其他酒店,
包專車入去玩,
其他酒店連酒店來回接送幾錢就睇你住邊啦~
只講門票:
海泉灣海洋溫泉: 成人￥168, 1.4米以下￥80
開放時間: 上午0830-凌晨0130
海泉灣神秘島: 成人￥110, 1.1-1.4米以下￥55
開放時間: 上午0900-晚上1000

講真呢,
我覺得跟團係抵d 的, 二天團都唔洗一千...
而且又安全~
去得溫泉酒店, 佢都會比足時間係酒店玩,
不用擔心同安排其他野呀~

2007-01-23 01:54:47 補充：
除了海泉灣海洋溫泉,提供其他溫泉比你參考~~~河源紫金御臨門山谷溫泉中藥谷SPA 水療<--SPA only新會古兜溫泉谷<--狂賣廣告惠州南昆山溫泉大觀園酒店<--都係要坐好耐車韶關曹溪假日溫泉度假村<--都係要坐好耐車清遠聚龍灣溫泉度假村<--去過, 要坐4個鐘車去, 不宜自由行富都溫泉度假村新興金水台溫泉陽江溫泉假日度假酒店珠海九洲水會水療SPA會所<--SPA only珠海御溫泉<--去過, 現在舊啦自由行雖然係廣東省,但都不要選太遠的~

如果自由行, 最好買package, 住返溫泉裡面的酒店, 溫泉一般都比住客無限次任浸的。住出面D酒店好麻煩, 基本上during the trip 只可浸一次,又要自已打的返酒店。

我會推介你去珠海御溫泉, 價錢ok ( 2日1夜 package, 連一晚溫泉酒店, 無限次任浸及珠海來回船飛一套, 約 $700/人), 服務態度好好, 衛生程度都唔錯, 酒店就3-4星, 房間係塌塌米式好特別, 溫泉就嚮酒店旁, 同埋你嚮珠海落船後有專車送你去溫泉, 好方便。

陽江溫泉渡假村都唔錯, 佢就比較遠, 要坐幾個鐘車先到, 酒店有5星級, D房好靚下, 房內bathroom 有個大木桶可浸溶, 都幾得意架!不過個溫泉離酒店都幾遠下, 要坐酒店既"電平車"(golf車)5分鐘左右先到, 同埋最近爆出新聞話呢個溫泉咁"氡"元素, 可能會致癌, 詳情可睇1月23日蘋果日報。價錢就貴D, 因為路程遠, 同埋好少旅行社做package。

另外廣東省仲有好多溫泉既, 例如珠海中藥谷, 新會古兜等, 比較舊同細, 好老實, 古兜我唔會推介比人, 佢地D軟件同硬件都好唔得(溫泉好唔衛生, D staff 手腳唔乾淨, 我試過幾次有客唔見野)

同埋農曆年後旅行, 你要睇返大陸個新年長假喎, 因為內地好多公司/廠放假放到初十, 甚至十五架, 同埋佢地興過左初一,二, 三果D日子先去旅行, 所以度度都好爆下, 一來貴D, 二來勁多人, 浸溫泉都真係幾無mood 下 (有次旺季帶團去中藥谷, 成個山頭都係人, 我好懷疑佢地落唔落到水囉 -_- )

2007-01-24 09:35:34 補充：
講漏左海泉灣 tim。 呢個比較新, 靚, 不過都真係好貴下....

骨場d3溫暖比溫泉正好多