哪兌換澳元比較好

根據我格價多年經驗, HSBC, 恆生, 渣打既 RATE 都唔好既... 東亞既 RATE 可以, 最平就係廖創興...
但因為銀行會收手續費, 如果你冇廖創興戶口, 你去換錢佢會收你50蚊手續費.. 同樣, 如果你冇HSBC戶口, 你去換錢佢一樣會收你50蚊手續費... 所以請先睇下自己有咩銀行戶口, 如果多過一個, 就可以上銀行網頁 CHECK 下即時匯價, 你就知道邊一個平D...
如果你只有一個戶口, 你就冇得選擇啦, 去返自己戶口既銀行換就最方便了... 順帶一提, 唔係間間分行都有外幣換的... 去之前, 打電話問一問佢地有冇得換, 如果有, 都要問下有冇足夠數量 (如你想換10000, 佢可以只有8000的)... 確定晒先去, 就穩陣好多... 不過我通常都係去中區分行或總行換, 一定有, 而且唔駛排隊...
你要兌換幾多, 如果只係幾千港幣, 不同銀行只相差數十元, 其實冇咩所謂
澳洲的 HSBC 或找換店都可以用港元兌換澳元. 但匯率奇差. 比香港要貴上 15 - 20%... 蝕到傻 !!!
用剩澳元一樣係銀行就可以兌換返港元了, 但硬幣是不收的. 所以請先於澳洲清晒硬幣, 否則只好等下一次旅行再用.

香港的銀行，ＴＴ差價較少，但要預約，不需手續費，當然是差價愈少愈好。

聖誕節前後是澳元季節性高位，無辦法，六至八月澳元較便宜。

價位季節性可參考雅虎財經，有幾年比較。