模型上色問題

一般高達模型做法係將零件齊邊剪出, 然後以沙紙輕輕打磨需要塗膠水o既接觸面. 抹淨後就塗上膠水(少少過量)將零件痴埋. 痴埋時可用力壓埋佢, 應該會有膠水多o左bit 出來, 多出o既膠水會填密接口. 等膠水乾透後就可以用沙紙將接口打磨平滑.
一般都唔需要再補畢地, 除非你打磨後仲係摸到有明顯接口. 畢地用法係用thinner 開稀(注意唔可以太稀或太杰, 接口大就可用杰o的, 接口細就稀o的), 然後一層接一層搽上去(一層乾o左先搽另一層). 要注意畢地乾o左係會有少許收縮, 所以寧願搽多幾層令接口少少突起. 然後就可以用番沙紙打磨.
哩個步驟完o左之後就可以噴底灰, 然後就可以做幾他o野(噴顏料, 光油, 消光油, 舊化等...).
由於骨架有關節, 一郁時就會磨甩o的油, 所以一般都係唔會噴油... 除非你係做情景模型會將pose 定死. 至於膠水一般都唔駛用, 因為齋o拍就可以了, 而且好少會補畢地.
眼咁細隻, 多數都係用筆油上去算, 因為咁細面積都懶得開噴槍(用噴鑵就仲o屣料)
新手, 玩mg 比較好, 因為基本上唔需要補畢地同埋用膠水. 而1/144 o既HG 模型, 其實都已經比以前進步好多, 新手都唔會太難o既... 但始終實力都係要靠練習同埋經驗, 所以當係練習先啦~~~

2007-01-26 15:37:48 補充：
對模型新手, 強烈推薦"超級模型技術講座" o既[基礎篇] 同埋[上級篇], 由模型大師 "MAX渡邊" 編著, 實在係入門必備~
各大模型鋪有售

模型上色前(指已砌好),我諗你指嘅唔係膠水,係水性畢地,通常稱噴灰,作用係檢查當模型砌好及打磨後有無不妥地方(如夾口未填平或打磨不平等),其次係統一色澤以方便繼續上色工作(因為原件砌好後可能因膠件每個部份都有唔同嘅塑膠顏色),所以不論砌高達好,戰車好,戰機也好,都會喺上色前噴灰,噴罐裝水性畢地喺大部份模型店都可以買到,牌子通常田宮或郡仕,明未?:P

首先,除非你係打算磨夾口,否則唔需要用到模型膠水。
假設你係想磨夾口,
模型膠水的確一定要係上色前落,否則顏色會俾膠水整到化開甩色,
當你落左膠水,做晒打磨先好上色。
至於MG既問題,新款既MG(Gundam MkII Ver.2 打後)有獨骨架,上級既玩家連骨架都會上色(但只有極少數人會連骨架都磨夾口,所以無需要用到模型膠水),佢地係完成整個骨架先整裝甲。一般既玩家都係逐個部位整。
為左遮住唔需要上色既地方,一般會用模型膠紙包住。對於一d太細微既地方,模型膠紙未必方便,你可以去手辦模型舖買遮蓋液,塗左遮蓋液後等佢乾(會形成一層透明膜),然後上色,最後撕走透明膜就可以。