請問去北海道係咪一定要穿雪褲出入 ?

去北海道雖然好凍，但係唔一定要穿雪褲。

我12月尾去左北海道，只係穿牛仔褲+厚襪+boot 都已經夠暖，因為每逢入到室內都必定會有暖氣，日本室內暖氣真係會覺得熱，都有成廿幾度左右，如果著得太多而又除唔到，會比較麻煩。

個人建議最緊要係外套係暖，內面可以唔使著得太厚，褲方面可以選擇防水既運動褲，或者牛仔褲其實我覺得都已經夠，要準備厚襪，因為腳板底直接同地面既雪有接觸，會好易覺得凍，鞋亦最好係防水既。暖包就視乎個人需要，我有買去，但係無用過，不過就一定要帶手套、頸巾、同埋冷帽。咁樣已經足夠喇。

入室內記緊要將身上同衣物上既積雪拍走，如果唔係，入到室內有暖氣d雪就會溶，咁樣就會整濕d衫，出去室外凍下吹下就會覺得仲凍，要小心。

你好~
雪褲就唔一定要穿, 主要係防水, 會暖DD
入到室內係會熱D, 不過唔太辛苦, 主要係你一脫下件外褸, 都可以了~
我上次去北海道都係穿雪褲, 都唔錯~~ 可惜一行路時就會好嘈囉~~~ (條褲磨擦O既聲)
我朋友就穿牛仔褲, &入面穿條厚身D既襪褲,都夠喇~
(建議都係穿襪褲, 唔需要專登買條雪褲咁浪費)

暖包.....我之前冬天去,都買左暖包, 可惜全部都無用過~~~~~
最後原封不動帶返香港~~

不一定要穿雪褲,入室內會好熱,如果你係女仔可以穿一條厚d襪褲在內,然後穿一條防水運動褲在外,便足夠了.如果到時太熱可以脫掉襪褲. 暖包可不用買,因為唔方便, 你可以試吓用
貼在身上的暖貼,在遠足用品店有售.祝旅途愉快**