我覺得我媽好賤格,成日串我哩樣串我個樣,都唔知咩人黎!!
有次我唔小心倒瀉d水落廁所地板,我阿媽就串我「你盲架,咁都整得濕個地下」
我唔識做功課,我問我阿婆點做,佢走埋黎見到之後話「死唔死蠢d呀,咁都唔識做」
我咪話「依家問你呀,行開啦」佢話「阿媽(即係我阿婆),唔好教佢咁多,因住佢題題都問你,佢唔洗做!」
佢今年都成25歲人啦,仲以為自己好年輕扮晒後生,成日帶d唔識既男人返屋企,夾埋黎串我
成日話我今年11歲都拎兒童身份證啦,仲細呀?唔好成日做埋晒d白痴野...
朝早自己起身返學啦,成日要我媽叫....
有次我同佢鬧交,佢自己無理取鬧,佢話「你個樣真係好似你老逗,唔好比我見到你」
我心諗,行開啦你,我邊有你咁不良?14歲學人生仔,我都唔知點解會比哩d賤人生出黎
你估我好想做你個仔??日日出街識埋d唔知乜野人,試問佢自己有冇盡過做阿媽既責任
我由細到大都係阿婆照顧我,我阿婆今年都係44歲,我依家當正佢係我媽
我做親d野梗係比佢串到,佢咁唔鐘意我就唔好生我出黎啦,真係好唔想見到佢!!!!!!!
你話..到底點修理佢好!?
點修理我阿媽好!?
2007-01-22 11:50 pm
回答 (6)
2007-01-23 12:14 am
✔ 最佳答案
小朋友，睇完你寫野既，明白你好唔開心，不過始終她是你的母親，如果要說到「修理」兩個字，情況只會令大家關係惡化落去。雖然你年紀小，但係我相信學校亦有教你明白是非黑白，既然今日你覺得你媽媽教導同對待的方法有問題，那可以睇成一個反面教材，唔好的品格就不要學，當你日後長大後為人父母，你就會學懂如何關心仔女，懂得尊重他們。其實修理媽媽都有一個好方法，就係你比心機讀書，出人頭地，到時你媽媽都以你為榮，仲點會鬧你，讚你都來唔及，最高境界，唔係要教訓人，而係令人服你，你比心機讀好書，亦都等你媽媽愧疚一下自己的失敗，好好檢討一下，改過自新。所以你要修理的，是你當前的逆境，發憤圖強，做一個有用及善良的人，知識就是你幫到脫離逆境的好方法，好好學習吧! 用你的能力反過來影響他們，我相信你可以做到的!
參考: 個人忠告
2007-01-23 12:27 am
我覺得佢唔係唔鍾意你，只是不懂得去與你溝通，佢其實想引你注意她，我覺得她應該並不喜歡你的親生父親，所以導致她經常串你，你可以試下跟她冷戰，不跟她說話！
2007-01-23 12:20 am
唔好理你阿媽,當你阿婆係你阿媽,起碼你阿婆成熟d.
你阿媽的行為有d問題,唔好學佢. 我想佢心理有些问题,不是你可以修理的.可能當佢11歲时,她以為識男人就代表佢唔細,可以做d大人ge野,所以搞左你出黎.
你现在年纪小,但已知道14歲生仔是件不好的事,希望你懂得分辨是非,發奮做个有用的人,她就不会看不起你.
你阿媽的行為有d問題,唔好學佢. 我想佢心理有些问题,不是你可以修理的.可能當佢11歲时,她以為識男人就代表佢唔細,可以做d大人ge野,所以搞左你出黎.
你现在年纪小,但已知道14歲生仔是件不好的事,希望你懂得分辨是非,發奮做个有用的人,她就不会看不起你.
2007-01-23 12:20 am
你媽咪25歲，真係好後生架! 30幾歲後先中年，相對社會上好多25女仔來講，真係80%未結婚生仔。
佢對你態度唔好，因佢自己都未成熟，真係未識得做亞媽，你估佢又好想自己咁咩! 因真係無人教佢點做麻! 一個未婚媽媽係社會上都有壓力架! 佢又知自己要承擔，但又無助..好矛盾，所以咪發左係你身上。
做人地個仔，有無想過比你14歲有個仔又點呢?
而且都有個婆婆愛護你囉! 都係幸福既，好過無人對你好麻~~
到你亞媽真係成熟時，希望你同佢都體諒到大家既苦處.....
11歲真係開始要大個仔啦! 好好地對家人啦! goodlucky~~
佢對你態度唔好，因佢自己都未成熟，真係未識得做亞媽，你估佢又好想自己咁咩! 因真係無人教佢點做麻! 一個未婚媽媽係社會上都有壓力架! 佢又知自己要承擔，但又無助..好矛盾，所以咪發左係你身上。
做人地個仔，有無想過比你14歲有個仔又點呢?
而且都有個婆婆愛護你囉! 都係幸福既，好過無人對你好麻~~
到你亞媽真係成熟時，希望你同佢都體諒到大家既苦處.....
11歲真係開始要大個仔啦! 好好地對家人啦! goodlucky~~
2007-01-23 12:02 am
如果我係你,我會打佢,如果你打佢,佢一定會打番你,搞大件事佢,到時會有社工幫你.
收錄日期: 2021-04-12 22:01:47
原文連結 [永久失效]:
https://hk.answers.yahoo.com/question/index?qid=20070122000051KK01829