怎樣計算出糧的第一日 ?? ,我唔知幾時 出糧

出糧日即係你公司的發薪日，間間公司都唔同，大部份公司都在月尾，但法例並冇指定每月既邊一日要出糧。

你唔知幾時出糧甚至用乜野方式出糧（如戶口過數、出支票、出現金等等），
都應該問你公司有關既同事或者聘請你的人，
如果你簽左有關受僱的文件，內裏應該都有詳細寫明。

計糧當然會由你第一日上班開始計算的，不過出糧出幾多，都要因應你公司幾時截數，以及你的薪酬方式計算；不同的截數日和薪酬計算方式，計算方法亦有不同（有月薪、日薪、時薪、佣金、津貼等等）。

請謹記既係…每間公司的僱員都會有有薪假期及強積金，你唔清楚係乜野黎，你最好睇清楚你的受僱文件同問清楚公司既人或者你身邊的長輩。

由於你所寫的資料不多，建議參考以下資料：–

http://www.labour.gov.hk/public/pdf/wcp/ConciseGuide/03.pdf

有關一般勞工法例及勞工處所提供的服務的查詢，
可使用24小時的電話諮詢服務，電話號碼： 2717 1771，
熱線由政府熱線 1823 的工作人員解答，應該幫得上忙。

　祝
工作順利！

當然是第一天上班便開始計算...
但糧期則通常是每月的最後一日出該月之月薪, 也有些公司是每月一號出上一個月的糧, 每間公司都有不同的規定, 有公司甚至是出半月糧, 則十五日出該月一半的月薪, 到最後一日 (三十日或三十一日) 出埋另外一半..
這要視乎入職時勞資雙方的協議, 在appointment letter上應有寫明..
至於不是人人都咁啱一號入職... 例如, 1月10日入職, 即1月份共返工22日 (包括有薪的例假--星期日), 如公司是31日出糧, 月薪是$8000, 計法是 $8000除31再乘22... 這是以月薪為計算的計算方法... 如是以日薪計算, 咁咪一月份返左幾多日乘以協議的日薪...
要留意, 有些公司或者因為行政問題 (例如人事部及會計部要計佣金), 未必一定在31日或1日出糧, 可能會遲幾日, 但勞工法例規定要七日內出糧的, 即不可以把一月的糧遲過2月7日出