副學士往台灣讀書

台灣既學制比較傳統,唔一定o岩你既情況.
因為台灣係採用學年制,而唔係學分制,即係話你有文憑也好,有副學士也好,考到入大學,一樣要讀足四年(有D科系係五年,六年,七年等等),而且,你修過既科目,亦冇得exempt,所以,如果你去台灣講番而家讀緊既科系,唔係咁抵囉.
而且,大學入學試又唔會考你要讀既科系既野(音樂,美術,體育等除外),而係考中學既學科,咁你有呢方面既專業知識又冇著數,都係同人咁樣競爭考入學試.
至於難唔難適應,就要睇你本人既適應能力,好難講.上堂呢,就係以國語為主,英文為輔(除左醫學院外,其他較少用英文),有時會加插台語(有D教授有咁既習慣).
學費方面,如果讀國立大學,一年既學費大約港幣萬幾蚊(私立大學係國立既兩三倍),生活費要睇你個人揮唔揮霍,理論上港幣兩三千蚊一個月已經好夠.
其實你可以考慮,讀完你既副學士(或者文憑),做幾年野先,然後申請讀兼讀既Master學位(學歷+工作經驗作為入學既條件),咁你所花既時間,錢,同埋攞到既學歷對比,應該係比較抵既.