點解可以做到明星?

以前係有好多星探O係街度搵人
而家相對地已經少左好多
好多都會o係特定途徑度搵人
例如 model 公司, 各樣比賽, 有關娛樂圈o既課程等等
真係o係街黎搵人入娛樂圈真係好少好少喇
因為佢地希望搵o既人有 d 基本條件
model 公司外表會比較 ok
比賽就搵 d 有技能, 例如唱歌, 跳舞, 演戲
課程就本身已經受過訓練嘛
咁經理人公司唔駛再投放資源o係一 d 無把握地方
好似你搵到個靚女, 想捧佢做歌星
但攪左一輪先發覺佢唱歌好唔掂, 咪得個攪字囉

明星唔一定要高要靚, 只要有市場價值就得
我有朋友無論講野, 個樣都"騎 lei" 到不得了
但佢又真係幾紅, 好多人都識, 錢都搵唔到
點解 ? 市場接受咪得囉
如果你想入娛樂圈, 你可以報藝訓班, 選港姐, 讀演藝都比較可取
另外而家好多新進 artist 都係 model 出身
所以亦有唔少人會從呢個途徑入行

至於點樣做 model, 亦有好多途徑
除左自薦仲有其他方法
識 d model 公司o既人, 等佢地推薦你去 interview
face to face 機會點都高 d
另外亦可以參加一 d 比賽
化妝比賽, fashion design 比賽, model 比賽等等
有 d model 公司都會去呢類比賽睇下有冇 d 有 potential 既 new face
不過 model 比賽除外, 因為 model 比賽多數都係 model 公司自己攪番
我公司都係有舉辦呢類比賽
再唔係就做下 promotor 囉, 都有機會
不過呢個途徑入行, 真係會差 d 囉
將來都係做下 promotor, expo 企下 counter 之類囉
至於將來條路係點, 就睇你自己喇

如果你仲有咩問題, 你可以 email / msn 我
[email protected]