(20分)元朗/天水圍/屯門區的產前檢查??

首先恭喜你先... ^^

你需要做的事情好簡單.. 首先你要去任何一間有註冊醫生的診所度再驗孕一次... 然後等醫生開一張懷孕證明俾你... 費用唔會超過200蚊... 然後你就可以拎住張懷孕證明去屯門醫院又或者你屋企就近的母嬰健康院登記預約產前檢查o架啦....

通常姑娘會同你登記左然後排期... 第一次產檢會安排係bb大約6-8周時... 唔會太快同你檢查o架... 但係你都唔使咁擔心.... 即管食多d有營養的野同休息多d... 等bb可以健康成長啦... ^^

至於你問屯門醫院好唔好... 因為我唔係住果區.. 所以答你唔到.. sorry... 不過我都建議你搵間近你屋企的醫院or健康院做檢查... 因為懷孕後期產檢會越來越密.. 如果你要搭好耐車先去到的話會好辛苦... 而且我覺得如果你個人要求唔係太高的話... 政府醫院就ok了... 基本上唔使俾錢... 有時只係收番照超聲波又或者開藥的成本費用. 好抵o架... (不過照的次數的就會少d囉... 一分錢一分貨嘛... )

至於你話返朝九晚六... 如果要去產檢的話... 醫院會俾到診紙你去請假的... 唔使擔心.. 提一提你... 盡早俾到懷孕證明你老細睇啦... 咁佢就可以盡量安排一d無咁粗重的野俾你做.. 而且懷孕期間都唔炒得你... 哈哈

懷孕初期切忌太粗勞啊... 要休息多d.... 仲要注意飲食.... 寒涼生冷的野唔好食... 熱氣刺激性的食物亦都唔到.... 當然煙酒咖啡就更加唔好掂啦.... 祝你同bb都健健康康... ^^

仲係果句.. 放鬆心情去迎接小生命啦... 有問題就即管上來問啦... 希望幫到你.... ^^

恭喜晒!

我的情況同你一樣，都係最近發現懷孕而決定結婚的。我之前去教育路新都醫務所(千色廣場對面)驗有身孕，之後醫生寫了一張懷孕證明書給我，叫我到容鳳書診所(西裕街)作產前檢查。

第一次去只是作簡單登記，之後再約期作詳細檢查(包括驗小便及抽血)。然後就會定期作產前檢查。

基本上，一般的母嬰健康院/公立醫院的產前檢查只是例行檢查(如無任何特別問題，只會作一次超聲波檢查，以確定BB大細及位置等)，我建議你十二週以後到私家婦產科醫生作定期產檢及超聲波檢查(我自己是到馮澍明醫生作產檢)

hello ....
恭喜你窩 !!
我住天水架..之前有左同你差唔多, 都系乜都唔識.
不過同你分享我嘎經歷啦.
其實你去屯門睇就得了. 佢會卑份野你.有附近嘎母嬰健康院的資料.
你到時只要去你就近嘎健康院度登記咁就得了. 唔使錢.
咁你每次依照book左嘎date去check就 ok 了.

系屯門生都 ok , d 姑娘都幾好....只是100/1 day

不過如果你想照bb, 咁健康院系無得照架. 你要到附近嘎私家醫生到照. (恒香對面有一間)
費用$500/一次.

開心d啦..生個肥肥0都0都嘎bb啦.

系呢...你需要bb車嗎...?
haha...因為我自己買左架.朋友又送左架...so宜家多左一架啊....
都好新架...可以前後調轉推果只.
我上年年尾先買.haha因為我bb果陣先出世啊.
價錢商議

如果你有興趣就send email 卑我.
[email protected]

thanks