識佢時佢話無女友,一年之後原來佢係有同居女友,原來我係第三者都唔知~ 不過佢最終同左佢同居女友分手,佢女友即刻返左去加拿大屋企。安樂日子唔係過左好耐,男友瞞住我識左第二個女人,伸講大話呃我佢出面另一個女人有左BB,要照顧佢一段日子要我暫時讓位,我當然唔肯,但無奈比佢既說話氹到,比佢同出面個女人一齊,結果個女人根本無BB,佢地可光明正大咁係埋一齊,而我無啦啦由正印女朋友變左呢個女人眼中既第三者。男人當然一路兩頭講大話又兩頭氹,一腳踏兩船享齊人之福,我點同佢嘈,佢都唔肯同果個女人分手,我話分手佢又唔肯又不停氹我等佢。最終係聖誕節比佢而家個女友發現有我既存在,佢認為我係第三者,係佢男友既前度女友已矣,仲以為我死纏住佢男友唔放 >< 我勁唔開心,明明呢個女人先係第三者,點解要比個女人當我先係第三者...我係咪應該同呢個女人講清楚件事呢?
更新1:
我都知我個問題係我唔甘心亦唔可以死心,不過咁樣落去都唔係辦法,因為呢件事令我非常失落,攪到最近係公司做野果陣都集中唔到精神成日好似遊雲咁。仲有一個問題係佢識我個時,因為爭咭數,所以我同佢係銀行借左2萬5比佢,銀行果邊我就已經清左條數,不過佢成日話自己無錢,唔可以還返比我,我諗其實係佢唔想還就真,所以如果我同佢分左手,咪一毫子都追唔返,咁咪好蝕囉,點算好呢?
更新2:
有咩方法可以係甩佢之前可以問佢攞返d錢呀? >< 我做個文員仔一個月得個幾千,無理由唔追返佢呃d錢嘛
更新3:
點解呢個世界會有咁多賤男人走去呃女友架?!點解會比我遇到佢???我非常之恨佢,呢個痛恨既心令我唔想放過佢,好痛苦呢~