我想問點樣先寫都一封可以感動學校唔踢學生的一封求情信

我覺得有幾點係一定要有的:
1. 認錯, 講下自己犯錯的動機及原因(貪玩? 誤會? 發生左一d事一時氣憤?)
2. 表示後悔, 講出了解犯錯之影響(影響校譽/影響師生情緒/令老師,家長失望)
3. 認同校方有權作出懲罰, 但講下趕出校對你及家庭之影響, 希望校方給予機會, 寬大處理
4. 提出補救之方法, 例如向有關方面公開澄清及道歉, 將傷害減到最低
5. 提出另外的懲罰方法, 正面d, 例如幫學校做d服務
6. 保証永不再犯, 希望校方開恩
語氣要誠懇而正面, 唔一定要死狗咁聲淚俱下, 但要確實令學校覺得你知錯, 有悔意, 令佢覺得你有誠意, 肯受教.

試下啦! 唔知詳情都幾難幫到你...不過提醒你唔好提埋d 咩:
我個fd做左d破壞校譽的野..都唔係好嚴重
校方一定係覺得嚴重, 或你fd 有前科先想踢人出校, 你話唔嚴重就好似辯駁咁, 幾串下, 唔夠誠意

敬啟者:
本人深知我兒對校方造成不便,在此深表歉意,在此期間,我兒亦深感奧悔,希望用往後日子彌補對校內老師及同學對我兒期望,望校方能賜予重生機會,讓他為校方建立更好形象及將來成為一借鑒,好讓他有改過機會,又可讓其他同學知道,錯而仍能改才是真正做人處事之正確態度.
我兒年紀還輕,錯了事也該勇於面對,但辭退真的是唯一辦法嗎? 相信在此事發生後,對他心靈已造永久傷害,假如用其他方法解決此事可行嗎?若是真心悔改,卻沒法為令受傷害的一方作出彌補,在他心靈是永遠遺憾,只盼望校方能以作育英才之本給他機會,以彌補過去錯失,並於早會期間向學校及校生作出真誠道歉,希望學校給予機會.


p.s唔係好知咩事,唔岩既可自行作出修改~

好多野無話一定架,
就算寫左都唔會一定感動到學校,
你地能做的只係盡力甘寫封求情信,
至於係咪真正感動到都好難講~
內容最緊要係話知錯啦,保證以后一定唔會甘做啦.
希望學校比埋最後一個機會啦,
同埋要講下你個fd仲係求學時期,仲要讀書,
唔讀書做唔到學生就會好慘,做其他壞事就更加唔好啦.
希望校長大人有大量原諒甘啦.
如果你個fd唔係好衰,仲有少少人際關係的話,
最好寫完封信之后,叫其他同學或老師都幫口或者幫手簽個名求下情.