點解恆指咁活躍?

2007-01-21 8:18 am

✔ 最佳答案

舊年十二月恆指處於適應期，大家都有貨，但係都唔係太敢入市，正在等候時機，另一原因係因為大家都知道同認為07年係經濟見頂，擔心會有泡沫，所以十二月恆指都只係上上落落，一日跌幾百點，第二日又升番幾百點咁樣。即係大概19800-20200點徘徊咁樣。

今年年頭急升5個交易日，一共升了1xxx點，跟住大市調整，未見頂住，升一千幾點問題就係幾時跌番，跟住3-6個交易日，累積跌左一千幾點，計番升左一千幾點黎講，都算跌得差唔多，結果，過兩日突然升左400幾點，重上20000點水平，宜家我認為恆指暫時已經穩固，未來幾個月如果下跌最多都係19700點左右，直到見頂，如果問我幾時見頂，我估計係22000點見頂。