我想問對換台幣既睇買入定賣出？

如果你想用港幣換台幣，對兌換店來講，就是賣出台幣比你...所以是睇賣出價。
但是，如果你想用台幣換返港幣，對兌換店來講，就是賣入你的台幣...所以是睇買入價。

關於"腸"，其實是台灣香腸，差不多所有的夜市都有得賣。甚至一些出小食的牌子，如新東陽，都會有以包裝形式出售。

買入同賣出係”相對”既（對兌換店同你而言），同埋牌價睇下係以港幣抑或台幣做基準．
不過有一個原則，你可以參考：兌換店（或者銀行）一定要賺差價．
舉個例，假設有兩個價（即係你所講既買入價同賣出價）：
HKD 1 = NTD 4 同埋 HKD 1 = NTD 4.15
咁你要用港幣換台幣，佢就會用HKD 1 = NTD 4黎同你換（即係一蚊港幣換四蚊台幣），如果你攞住台幣要換港幣，咁佢就會用HKD 1 = NTD 4.15黎同你換（即係你要俾NTD 4.15先可以換返一蚊港幣）．
咁即係，佢會賺中間既NTD 0.15既差價．
如果佢既牌價係：NTD 100 = HKD 25 同埋NTD 100 = HKD 24.8既話，同樣原理，你攞港幣去換台幣，你就要用25蚊港幣換100蚊台幣，如果你攞台幣去換港幣，咁100蚊台幣，佢只會俾24.8港幣你，響呢兩單交易裡面，咁佢就可以賺0.2港幣．
第二個問題，o個種腸響台灣就咁叫”香腸”，通常響夜市（或者街市）既街邊檔會見到，仲有就係，你響買腸既時候，可以同佢賭一舖（擲骰仔鬥大），你輸左要俾雙倍錢買腸，羸左可以免費．

2007-01-21 10:36:43 補充：
銀行既賣出同買入價通常係響佢既角度黎睇既，即係：你同佢買台幣，就係佢”賣出”俾你，而你如果要將台幣換返港紙，就係佢同你”買入”台幣．如果你係想買D香腸黎做手信而唔係響o個度食，咁你去D手信店就有架啦．