剛剛驗到有咗9星期,我要點做好?

相信你是第一次懷孕吧! 其實你的担心正常的.
現在, 你先要就自己的經濟情況, 同時了解自己屋企就近的醫院(公立醫院or私家醫院)的收費, 為什麼要就近自己屋企? 就是要方便自己, 萬一將來bb要出世, 而你又已經在那一間醫院登記及檢查, 他們有你的產前檢查資料, 就能盡及準確為你服務. 今期(1月號) 的親子雜誌baby 就有介紹公立醫院及私家醫院的產科登記程序和收費, 我自己都有買(ok便利店, 百佳; 甚至mc donald 就可以免費有得睇, 但就唔係最update啦), 你也可以看看作為參考一下. 醫院登記要帶什麼, 去那裡登記, 間間都唔同, 所以在你決定那間醫院, 打電話去問清楚登記程序, 就萬無一失啦!
至於公司方面, 你應該立即通知公司, 因為這樣才能確保自己受到法律保障. 你有左, 佢係唔可以在你懷孕期間辭退你, 而且你產前檢查一定會向公司請假, 這些假公司一定要比你的(有醫生紙當病假計). 你如果驚未夠3個月BB小氣, 甘你咪唔好講比甘多人聽囉! 但係通知公司才可以攞到你的應有權益, 其實萬一公司同事知道, 可能還會對你好一點: 同事不會在你面前食煙, 或者係有些拿比較高的, 重的文件會主動幫你, 公司不會安排你做粗重工的; 所以還是盡快通知公司吧!
好多孕婦(例如我)都會看好多有關懷孕的書, 雜誌等, 你都可以看看作為參考, 也可以向一些有子女的媽媽請教分享他們的經驗, 減低自己在懷孕期間的不安; 你也可以把你的担心和不安告訴你的老公, 讓他多些了解你和你的身體情況, 尤其是照超聲波, 當他從中看到一個小生命在跳動, 那種感覺真是非筆墨可以形容(我老公的感覺就好強烈啦).
我自己就會選擇在公立醫院生, 雖然一定無私家服務甘好, 但是因為我想留番多o的錢bb將來出世後用; 但係每個人的經濟情況都唔同, 看看自己的情況, 和老公好好相糧吧!

我情形係咁嘅：因為我係唔舒服去睇普通嘅私家醫生，跟住醫生話我作小產，再寫紙去睇私家嘅婦科醫生，所以我三個星期就知道喇！事實上第一次去睇係最貴，醫生幫我驗埋血，做埋婦科嘅檢查，都成HK$2400。但佢勝在報告可以一個星期就知道，我相信如果再急症啲，一兩日知都可以，因為我以前曾經喺私家醫院度返工。跟住我喺第七週先去東區醫院度登記 ，但第一次排期都要成4個星期之後，跟住第一次去睇 ，原來都唔係去見醫生，只係去見姑娘，跟住姑娘問咗一啲簡單嘅問題，跟住先再去BOOK時間話見醫生，但下次見醫生又係一個月之後喇！但其實我喺呢段時間，私家醫生嗰邊已經覆診咗4次，除第一次貴啲之外，其他都係$500-1000，我每次都有照超聲波，醫生會同我分析我個ＢＢ依家係點。所以我嘅結論就係，如果平時可以節省啲，最少每月睇一次私家醫生係需要嘅，因為醫生會比較有耐性，解釋得好啲，你有問題亦都可以馬上問醫生。醫生亦都會開啲維他命比你食，呢啲係政府醫院無嘅，但我知道有啲婦科係無咁貴，都可以選擇。雖然話政府都有驗血或其他檢查同你做，但佢嘅程序非常之慢，又下下要等。政府亦都唔係次次同你照超聲波。但政府登記亦都需要，點解呢？第一，我暫時決定會喺東區生，因為我住東區，去醫院唔洗10分鐘車程。我依家登記咗，第時我要轉私家都可以改。第二，分娩時嘅費用比較容易預算。第三就係我依家登記咗，大吉利是講句，如果我末到預產期有問題，或者中途有意外送去急症，政府都會有我啲資料，醫生就會比較方便搵到我嘅資料喇！
跟住你問幾時通知公司？我認為你要衡量一下你嘅工作種類同工作量。如果工作比較操勞，你就要早啲同你上司講喇！而我就覺得，只要對方係心地好，係善意，我唔介意講比身邊幾個比較親近嘅親友或朋友或同事知，你可以要求佢哋先唔好講比其他人知嘛！因為
有咗ＢＢ平時唔多唔少都會有啲唔舒服，如果對方知道，我相信佢哋多少都會體諒一下。當然係講比啲信得過嘅人知啦！

唔好唸咁多... 即刻去醫院book位啦... 因為公立醫院的位真係好full.... 可能你唸得來d位已經俾其他人book晒啦...

仲有... 我覺得應該即刻通知老細... 父母... or身邊最親的親人囉... 因為咁樣係對你自己有保障.... bb小氣係一d傳統的講法... 你驚就唔好四圍講.. 但我覺得身邊最重要的人係一定要講的... 至於老細方邊.. 係可以等佢有一個較好的安排同埋唔炒得你... 好緊要o架... 明唔明??

懷孕初期休息好緊要.. 而且孕婦的情緖波動會較大... 記住搵人傾計.... 唔好自己唸埋唸埋一堆野啊... 所以事情身邊的人都可以幫你解決的.. 放心... 你只要開開心心同好好照顧好自己就得了... ^^

祝你同bb都健康快樂.... ^^

如果你有時間, 同時去公立或私家也可以。我d friends 兩邊走, 睇到時情況而決定去邊間。
if你想去公立, 你的婦科醫生會轉介你去你想去的公立醫院。但如果你想去你指定的私家醫院, 就要視乎你的婦科醫生是否有在該醫院掛診。
現階段, 你應找個有信譽, 令你放心的婦科醫生同你跟, 佢會教你要做什麼檢查和怎樣做。
至於何時通知公司, 只要有婦科醫生證明了你有孕, 你要求下, 佢就會寫信給你僱主。早點通知僱主, 或許佢會體諒你的需要。

九龍區就廣華醫院..但講明左依家到4月唔收症
去QE啦..因我下個月都係QE生
香港就唔係好知..瑪麗都好
新界就那打素她new呀..
我朋友係這間做
私家都好...但錢就自己都想到啦.
我只知九龍浸會好過法國醫院
如果份工要用力or粗重就快d講啦..
講左等你boss知唔會叫你做d粗重野..
你去政府生你無得booking咩時候做產檢.咁你同boss講請假
私家你可以day off先睇
希望幫到你

其實去公立醫院都可以,經濟好D咪去私家醫院,體你住邊,搵間近自己屋企既公立醫院 / 私家醫院,可以上yahoo搜尋,打(健康院),搵一間近自己屋企既健康院做(產前檢查),會唔會爆哂棚,護士會話你知,如你驚BB小氣,咪唔好講住,其實就無所胃,
有己有2個月生己,已通知公司,做咗產前檢查,百無禁忌
祝大家身體健康,生活愉快,生個肥肥白白,健康,可愛活潑的BB.

吓,如果你好想要bb,wait10個月lo,唔想??落左佢lo = =

去公立啦!最近看報紙説可以的了