箍牙~~好驚!!!!!!!!點算?

箍牙唔洗驚，箍完牙仲會靚

但係最好睇多兩、三個醫生，聽唔同意見。因為我十四年前箍過，醫生做得唔好（誤診），依家要箍多次。

拔牙視乎個人情況，如果你因為牙床細，但牙齒大，攪到牙迫住哂導致哨牙或唔齊整，好可能要拔牙，因為要預留空間俾牙走位。

如果你因為牙床大，牙逢梳，可能唔需要拔牙，拉反緊牙就ok。但如果牙床真係過大得好緊要，可能要種牙sip反個位，防止將來又鬆開哂（如果唔好好保養，箍牙效果並不是永久的，因為你覺時條可能有頂牙習慣，唔sip反隻牙，一有空間就會又走位）

而另一個case，唔係咁多人知，就係顎骨問題。有時係因為顎骨天生唔對稱，攪到以為係牙唔妥，求其以為箍牙就解決到。

我個case 係：天生倒及，但14年前因為醫生誤診，錯拔了下排兩隻大牙，夾硬將我下排牙拉後，做成以為醫好倒及牙。由於夾硬，攪到我牙骨「撬」出(試想像一隻牙牙冠拉入，牙骨自然向出）導致我牙肉受損，要做手術從上顎割兩塊肉補反落牙肉位，口腔內總共聯39針!!!!!

我而家牙鬆反開哂，因為多拔了兩隻牙。而家的箍牙醫生好好，解釋我病因，仲轉介我去政府醫生做顎骨矯形手術去根治我的問題。

而我做完手術後，將唔會再倒及亦唔會再「鞋揪」，因為移反下顎骨到正常位置。

2007-01-20 19:48:53 補充：
忘記解答你箍牙痛唔痛，唔可以叫「痛」，應該係酸軟，痛係會令你唔倒食唔倒，我做完牙肉手術真係痛到XK通常係覆診後兩日酸軟，因為換鐵絲拉緊，頭兩日食會痺，你只能「妹妹」攪到無心機食，或者你咬埋牙都脾，第三日就正常反。箍牙後進食困難，我每個月瘦3-5磅。