✔ 最佳答案
我自己隻 husky 係由一個月未夠就開始養... 自我同埋小氣 -- 我覺得呢 D 亦都同個主人有關.
Husky 係比較獨立既狗種. 佢地好有性格, 好多精力, 亦都某程度上係難教因為佢地未必想聽你講野. 不過呢 D 情況只會係隻狗未係完全尊重你或者重視你既時候先會發生. 你需要用好多時間, 好多心機, 先會令到呢種狗係服你. 唔需要成日惡, 唔需要成日打, 不過一定要好 firm. 話點就點, 燈隻狗知道邊個先係主人.
其實細個既時候, 除了健康等等既問題係要留意, 最緊要就係一開始就要教. 唔好俾狗仔學壞哂, 之後係度諗點解自己隻狗係唔聽話. 由第一日已經要教, 亦都一定要 consistent. 唔好一時一樣. Husky 本身係好野性, 有 D 亦都比較 stubborn... 每隻都唔同. 佢地亦都好容易悶, 悶就會搞事, 所以你如果要養就一定要預好多時間放落佢身上. 佢地活力非常多, 一定要足夠 exercise.... 工作犬係需要工作! :-)
實在太多人因為覺得 husky 靚, 覺得型, 就去養. 其實係需要清楚了解佢地性格 (其實養任何狗都係), 同埋需要. 每種狗都唔同, 每個人都唔同! 如果你唔係一個 active 既人, 就唔好養一隻 high energy 既狗. 只會難搞! 如果要講哂所有 husky 既野就真係太多啦! 佢地係非常 challenging 既一個品種. :-)