NDSorNDSL?

推出NDS後任天堂收返唔少O既意見,之後再造NDSL O既時候大大改善,基本上玩過NDSL O既人(包括我)都唔係好願意玩返NDS,
1.光度大大提高:如果你日間玩NDS,因為反光關係,好多時會令你睇唔清楚畫面.
2.輕觸筆設計:NDS太幼太短,用右手拎筆篤左邊O既時候甚至俾雙手遮住右邊畫面,需要睇畫面俾返應O既遊戲會好輸蝕(如應援團).
3.插筆位置:NDS向上拔出,NDSL向右拔出,順手好多.
4.GBA(GAME BOY ADVACE)蓋:NDS同NDSL都有兩個遊戲帶插槽,細O個個係NDS帶,大O個個係GBA帶.但係因為好少玩GBA GAME,個插槽咁大好易入塵,所以NDSL O係GBA槽度加蓋,美觀亦令遊戲機壽命增加.
5.開關顯示燈:NDSL顯示燈裝於鉸位,無論是否打開亦睇得清楚,以防自己唔記得部機開著O左.NDS盞燈只係露一半出O黎,唔為意O既話部機就長開.
6.放棄焗油:我玩O既係銀色機,玩耐O左機身出現甩油情況,尤其O係角位,同手指成日掂到O既位,所以NDSL用顏色膠造成,外面再加一個透明殼.

2007-01-21 21:46:32 補充：
多謝,希望幫到你.