可以分享飼養迷你貴婦狗的經驗嗎?

我而家都係咁養我隻六個月大既貴婦仔, 唔係我唔想放佢出黎自由活動, 係佢好驚去痾尿, 忍到好辛苦先肯跑入去痾, 但有時跑唔切就賴咗, 所以迫不得已困住佢, 唔係驚佢痾到週屋係, 係驚佢整污糟個身UP住生濕疹!

我每日七點鐘起身放佢出黎玩, 食飯, 等佢痾完屎及尿, 比佢自由活動, 八點三就返入籠, 我放五點半, 仆到返屋企, 六點兩三個字就返到, 放佢出黎直至十二點先訓, 其實如果狗狗識得自已去廁所大小二便, 最好放佢自由活動啦, 成日困係個籠都好慘, 我星期六日都補償唔到平時困佢果D時間, 我而家都未訓就係想放佢多D出黎, 如果佢悶得濟破壞都由佢啦, 只要將危險品及地上面既野放好, 梳化及床擋住, POODLE破壞力有限, 不過佢地可以跳好高, 所以梳化及床要搵野攔住, 你可以比個活動範圍佢, 例如個廳咁, 總好過困籠, 我果隻每次見我準備訓覺都擺個好可憐既樣出黎, 好慘呀! 我都唔忍心, 而家比緊時間慢慢教返好佢!

其實POODLE好聰明, 兩三日已經識去廁所, 當然BB狗有時會唔記得, 但好快又會記返, 所以有時佢痾錯唔好太大力打佢, 因為POODLE好細胆, 一打佢佢以為自己痾屎尿係錯就唔肯再痾, 好彩我果隻困住時唔會痾屎, 如果唔係踩返落去就好慘喇! 我果隻起初三日已經識痾屎尿, 但有幾次佢特登走出黎痾尿, 我打過佢, 咁佢以為痾尿係曾就唔肯痾尿, 而家我每隔一個鐘抱佢入籠痾一次佢就肯痾, 但有時都有痾錯, 不過我都無打佢, 只係鬧佢兩句, 有時都會自己跑返入去痾尿, 屎就無痾錯過, 我都好內疚, 我只係希望佢快D學返識痾尿, 咁以為佢就唔洗入籠訓喇!

你唔洗太担心佢既破壞力, 最多都係咬爛拖鞋, 收好D野, 電線及化學野, 佢都唔會太大破壞力架! 驚的話, 起初用個圍欄先啦! POODLE真係好聰明, 但又真係好細胆!

我養的都是貴婦仔，我也是只可以在星期六日及放工後可以陪牠。
如果你怕牠破壞我便建議你在上班時放牠在寵內。
但是我就沒有這樣做，因為覺得困牠在這麼細的地方牠會好慘。
現在每日收工回家屋企都好似打完仗咁。
廁紙有時放在床上都唔知點解佢可次成巻咬落嚟咬到一地都係廁紙碎，呢件事已經發生N咁多次。
仲要日日瞓咗覺都被佢搞，咬我隻腳咬我隻手，非常頑皮!!!!
但其實佢都好嗲好痴我，所以我都好鐘意佢。

我都養左 mini poodle, 我向屋企時會比佢自由活動, 夜晚會同佢一齊訓, 唔向屋企時會困籠或者間個位比佢自己玩, 佢平時向人面前係乖, 但人後佢比較頑皮, 成日倒亂, 如果你有時間陪佢玩多 d ^^ poodle 都幾痴人同好嗲, 不過好可愛

我都是要返工,好似你咁,星期六、日和放工後才可陪牠玩,我隻黑色迷你貴婦狗,都係8月先買的.我返工唔放牠出來的,因為牠實在太壞啦,成日去咬垃圾,鞋,我試過訓覺放牠出來,結果,我訓醒間屋好似比人打劫咁呀,打牠,牠不怕,呢頭打完返入去,唔夠1分鐘就返出來玩過,乜都唔記得比我打完,我早上返工,會放牠出來,比飯佢食,到我換衣服,佢就會去咁大大,我出門口會要佢返入去.到我放工先再放佢出來,不過我係個寵內,吊咗幾隻公仔同佢玩.仲有一個玩具係入面放咗小食的,佢要自己攞出食的,不過好難攞出的.等佢消磨時間.你買小狗,第一樣要教佢自己走去寵內toilet,之後你可以在你放假之前一晚放佢出來,如果乖無破壞咪放佢出來囉,不過如果作破壞,就把牠長時間放在寵內,你可試多幾次,不過,迷你貴婦狗真你好百厭,你要有心理準備呀.