實習醫生的職責

實習醫生﹐俗稱 hou 仔
職責理論上是在最前線學習點樣做一個醫生
實際上就是打雜
基本上一個醫院部門會規定有ｄ咩係可以俾醫生做﹐有ｄ咩係可以俾姑娘做
而通常唔俾得姑娘做的﹐但又是成日都要做的﹐就會落到實習醫生手上
例如如果沒有抽血員（俗稱血姑）﹐就要抽血
血姑唔可以抽的血亦都是由 hou 仔抽（例如動脈血﹐動脈管的血）
沒有做心電圖的技術員（俗稱 ECG 姑）﹐就要做心電圖
沒有姑娘打點滴管（俗稱打豆）﹐就要打點滴管
近年的情況好左少少﹐因為有血姑同 ECG 姑的出現
響一ｄ人手不足的醫院﹐絕大多數的實習醫生死做爛做都是在做呢幾樣野
另外就是有一ｄ程序甚至小手術都係實習醫生做
例如抽脊水﹐抽肚水﹐肺水﹐以及在產科幫生完ｂ的媽媽縫針
如果姑娘唔可以拆線﹐又係實習醫生拆
在外科骨科同婦產科亦都要幫手做手術
另外現時很多醫院都是由實習醫生收症
意思是你上到病房﹐第一個見你問你野同幫你檢查的人﹐就是實習醫生
有一ｄ醫院﹐尤其是大學醫院﹐亦都規定由實習醫生自己巡房
其他地方就算唔駛自己巡﹐都要跟 senior 巡﹐佢地有ｄ咩 order 就要安排
另外仲有一ｄ文書野﹐例如查記錄﹐約期﹐開藥﹐打信﹐填 form ﹐出 label
仲有最麻煩的出院紀錄 (俗稱 char sum)
病房出左ｄ咩事亦都係 call 實習醫生到場
由屋企人話想見下醫生﹐以至開多粒藥﹐以至急救（俗稱搓人）都係 call 實習醫生
夜晚當然要 on call ﹐大概是三日一 call
call 的意思是由第一日放工到第二日返工都要繼續返工
有良心的醫院部門會安排第二日可以放半天假﹐不過很少可以做得到
比較好的醫院部門亦會安排實習醫生上堂同學野
人工是月薪萬六蚊多少少﹐時薪應該是四十幾五十蚊左右
實習空缺是醫學院幫你安排的﹐有得揀﹐但未必派得到你的心水
另外眼科同精神科因為位少﹐想做就要特別申請
同埋如果是十二月畢業就無得揀的
點安排呢﹐係有一個電腦程式將兩間大學的醫學生的意願入哂落去之後分配的
不過呢個電腦程式成日都出錯﹐所以成日都要人手補救
實習一般係一年﹐可以揀去四個地方做﹐中間一定要包括內科同外科（包括眼科）
另外可以選擇的是兒科﹐婦產科﹐精神科同骨科﹐亦都可以揀番內科同外科

2007-01-21 03:15:07 補充：
實習甚麼科都係一年﹐除非你 senior 好唔妥你﹐唔妥到寧願寫多一千幾百字都要 fail 你份 evaluation ﹐咁就要做耐ｄ（就算唔 fail 你佢地都有辦法令你搵唔到工的﹐所以絕少會 fail 人）

實習醫生都係做d臨床要做既野啦
如抽血,打黃豆
打出院summary
收症
要on call,有好多野要佢地做

人工唔知

d實習係d醫學院學生畢業後就一定要響醫院實習左先可以正式做醫生

一個普通科醫生會實習一年

以我所知道,實習醫生會同病人抽血,打針/打豆(黃豆),做小手術如腰椎穿刺咁啦,晚上須要ON CALL,幫醫生做臨床檢查,寫出院報告,得閒同病人傾下計,由其你主診醫生黎之前問病人今日覺得有咩唔舒服,咁你就寫係病人入院果入報告度(黃色果張野).有時耍睇返黎人既病歷(係電腦內果D)

人工是幾多?唔知
D實習空缺是點搵返來& 如何安排醫科生去做實習?
係醫管局,病房內的主診醫生會教你既
佢哋一般實習幾耐? 5-6年(腦科要6年(好以)因為腦係醫學中最深奧既野