有左四個月,成日食公仔面對BB有咩影嚮???

哈哈!! 我同你一樣呀, 我有咗3個幾月啦, 又係無人照顧, 每餐都要自己搞掂, 加上我老公唔係香港, 所以更加懶, 求求其其又一餐! 結果成日食公仔麵, 微波爐食品!!

我相信其實你同我都一樣, 明知咁對個B同自己嘅身體都唔好! 唔想咁但又無實質嘅行動, 所以大概2個禮拜前, 我又係猛問D Friends 咁嘅問題, 明知佢哋一定話唔好, 但實質我只係想有人可以鬧醒自己, 因為我都知咁係唔好, 但始終(的)唔起個心肝去做!

結果打後個禮拜, 我真係嘗試走去買餸煮飯, 買D菜, 買D魚!!

但講真嗰句, 我真係唔鍾意煮飯, 亦煮得唔係咁好, 但之所以我會去做, 係因為我自己本身好少去睇醫生( 除咗政府嘅產檢外), 更加無食咩營養丸,例如:葉酸etc., 所以我咁落去真係好驚個B會有D咩事!( 而且我已經食公仔麵食到好厭!)

雖然有時我都仲係懶唔想煩, 煮公仔麵就算, 但至少E家我會減到一個禮拜先得1-2餐, 而且就算我煮公仔麵都會放吓D菜落去, 甚至有時會用米粉,米線代替添!!
所以我希望你都可以同我一樣,""及早回頭"", 為個BB同自己打算吓, 如果唔係, 將來阿B體弱多病, 成日要睇醫生時後悔就太遲啦!!!

有左BB要小心身體, 唔好食咁多無益既野. 無人照顧你, 你可以自己照顧自己, 食得健康營養D, BB出世健康強壯D. 如果唔可以煮食, 你可以買外賣, 買D清淡既飯. 既使食即食麵, 你可以選擇即食米粉或生麵或烏冬, 都好過食公仔麵.
其實唔使話要食好多補野, 最重要飲多D鮮奶 (用熱水座暖飲, 唔好煲熱 - 因為煲熱會令營養減低; 唔好凍飲因為對腸胃及子宮不好), 或者飲孕婦奶粉都OK. (最好係安滿, 無咁 "騷")
千萬不要飲咖啡或煙酒, 亂食成藥, 根本已OK.
為左BB, 你要堅強D!

其實都有好多選擇架~煮下烏"東"同米粉,河粉囉~
食得多味精野緊係唔係咁好啦~

呢個問題連細路仔都知啦... 公仔面又無營養又多味精防腐劑.. 平常人多吃都唔好啦.. 更何況係大肚婆... 千祈唔好添啊.... 你係咪想日後生個"小木乃伊"出來啊... >"<

以上兩位講得o岩... 你真係要對自己好d... 試下自己煮d清淡d的食物啦... 自己煮的確放心好多... 如果真係唔識煮又或者無時間的... 咪出去買外賣囉... 但都要注意以清淡為主.. 少油少鹽少辣喎... 最好就搵一d比較好的店啦.. 因為有時普通茶餐廳表面就應該你... 實際都係一樣煮法... 信唔過... >"<

此外.. 四個月要補充營養啦.. 特別係要將你之前三個月缺少的營養補返來啊... 食多d魚同豆類製品補充鈣質... 綠葉青菜有葉酸... 最好就係飲多d鮮奶同湯水.... 咁樣對你同bb都會好o架....

好好照顧自己... 加油.... ^^

公仔面係無營養既食物，如果你係有責任既媽媽，你都要吃d有營養既野，對你同對bb都係好既....

簡單d，自己都可以煮條菜+蒸水蛋再煮飯....都好過吃公仔面

有空可看看am730 or 頭條新聞 (free news), 佢都會教你煮下野食....

得閒咪買定d鮮奶，麥片做早餐....再唔係煮定d粥可食埋午餐....