籃球點先算犯規`??!`-*

犯規有分個人犯規及球隊席區的犯規(包括教練及替補員)
犯規同違例既分別係：個人犯規係會登記係記錄表上，夠五次就foul out！而每隊一節只容許不同既球員犯規四次，第五次就會開始射波！
而違例係只會發界外球！
一般防守犯規包括：推人，非法用手，過度擺肘，阻撓，非法阻擋。
罰則係：1. 如果在無team foul或投射動作，被犯球隊開界外球！
2. 反之，就被罰1,2或3球不等，如波係入左會追加一球！投射兩分唔入但被犯規，有兩球罰球！team foul有兩個罰球！投射三分唔入但被犯規，有三球罰球！
一般進攻犯規包括：推人，非法用手，過度擺肘，阻撓，非法阻擋。
罰則係：比被犯球隊開波，而"無罰球射"！

仲有一d比較少犯的犯規無講！
例如：技犯，違反運動道德犯規(u foul)等。

一般違例包括：走步，重拍，三秒區三秒，五秒開波，五秒射波，五秒緊迫，八秒過場，廿四秒進攻時間，球出界，踢波(廿四秒會重計的)，踩過界開波(踩住界開波係無事的！)，開波左右橫移超過一步(向後係無限步的，只要五秒開到波就得！)，開波時球員將波手交手開波，入樽(for 學界) ......
無記錯應該係咁多！
你可以去問下你學校d阿sir！
或者打學界比賽時問下裁判！
你仲可以去每年都開班的裁判球例班！
佢會教你好多關於籃球的事！

希望幫到你啦！

2007-01-22 12:25:05 補充：
違例仲有個跳球違例，同埋球回後場，仲有拳擊球，頭頂球(故意)都係違例！

2007-01-22 12:35:41 補充：
1.球例1.a 球的正確打法-比賽中只准用手來打球，並可以向任何方向傳、拋、拍、滾或運球。持球走、故意踢球、或用腿的任何部位擋球或用拳擊球，均屬違例。1.b 運球-用手來打球，並可以向任何方向傳、拋、拍、滾或運球，在球觸及地面後未經其他球員觸及前再次觸及球，即是運球開始；球員雙手同時觸及或球在單手或雙手中停留時，即運球結束。如在上述情況下再次運球，便違了"重拍"的例。1.c 走步-不合法的移動。如上籃超過兩步半等。1.d 三秒區-進攻時，敵方的小梯形屬於三秒區，進攻隊不得在此區停留三秒或多於三秒，如進攻隊隊員或球員自身投射中除外。

2007-01-22 12:36:30 補充：
1.e 八秒過場-球隊要在八秒內由自己的後場，將球帶到上前場。1.f 廿四秒進攻-一個進攻攻勢上限為廿四秒，(如果你係打學界的話，出界會重計廿四秒！)一般在犯規時才會重計廿四秒。1.g 球回後場-進攻隊已將球帶到前場，球不得再帶回後場！被防守球員拍回後場除外。以上係一般常違的例。2.犯規-在一場籃球比賽中，十名球員在一個有限的空間內快速移動，身體接觸係在所難免的。犯規是指違犯規則，並含有非法與對手發生身體接觸及/或違反運動道德的行為。2.a 不合法用手(俗稱打手)-打開波都知，哈！所以唔講喇！

2007-01-22 12:37:04 補充：
2.b 阻擋-有分進攻、防守的阻擋，最簡單的例子係，大家成日講o既 moving pack！2.c 過度擺肘-俗稱批肘。2.d 阻撓-過人比人拉手、上籃比人拉一拉手、身，都係大家最常遇到的阻撓！2.e 推人或沒有球時撞人-非法的身體接觸，球證好難唔吹你的！2.f 持球撞人-當防守球員係進攻球員正前方，要sure係正前方，而係進攻球員未係你踏住個地下之前，做出一個正確防守姿勢，佢一撞埋黎，而你又無郁o既，就會發生一個持球撞人的機會！如果你唔係係佢衝過黎之前，建立防守位置的話，你就會犯上阻擋的規。

2007-01-22 12:37:29 補充：
2.g 技術犯規-不服球證判決，人地射波你拍手，講粗口，拖延比賽(你入左波之後拍走人地個波)等等，都會被判技術犯規！要輸兩個罰球加一個中線球比對手的！2.h 違犯運動道德犯規(俗稱U foul)-人地上緊籃你走去"long"人，拉衫等，呢d故意性o既犯規，球證實比u你，又係要輸兩個罰球加一個中線球比對手的！同一個人犯兩次就可以拜拜，因為兩個u等如一個D foul(取消比賽資格犯規)！2.i 取消比賽資格犯規-最佳例子：打交，一個D foul就可以講拜拜！仲有好多犯規無講！呢d係最常會遇到的犯規！

2007-01-22 12:37:39 補充：
仲有記住上半場有兩個暫停，下半場有三個！上半場果兩個唔可以帶落下半場的！而下半場第四節最後兩分鐘(比人入左波之後)叫暫停，進攻隊係會上移中線開波的！仲有換人記住去記錄台度同佢地講呀！

十分多
打手..推人..DOUBLE..24秒不射(全場).kick ball..單擋移動..走步..帶波撞人..有好多好多

走步和手球。

- -...多得很..
打手..推人..DOUBLE..OVER...3秒..踢波..單擋MOVE呀..走步呀..帶波撞人呀..好多好多好多....

打手,推人,jump 起,走步,double and 返自己半場......很多很多

犯規有好多...常犯的有
打手 走步 雙手拍球 jump起(跳起左唔射) 等 半場

八秒過場 等 全場