初學者養魚

1)我諗50蚊左右喇
2)MK個條金魚街
3)氣「賓」,,濾水器,,光管
4) ４～５條到喇,,唔好買咁多..D魚冇自由既空間
5)要開缸架-3-
6)過濾用品包括，生物環，高密度棉及一般過濾物料。
強力氣泵用一粒氣石打氣（我是用一種日本泵，價錢比較貴，但很強力，又靜及很耐用，幾年也不需要更換）
缸頂光管
珊瑚石（不是活珊瑚）兩三件以作為魚兒被追打時的避難所及晚間棲身之所
化學鹽，殺菌水，增鹼素
鹽度計及溫度計
NO2, PH 試劑
硝化細菌水<---可買可不買
7)你鍾意可以買水草橋個D野既,,不過你買12吋以下既缸就可能唔夠位擺
8)將喉架放入缸中並套好潛水泵，在鋪上沙前一定要將潛水泵套好及固定，要小心不要弄斷喉架，如弄斷喉架一定要更換，否則你永遠不會成功。
將珊瑚石放入魚缸
將鹽倒入，分量可看說明或向魚店查詢，加入水，待鹽溶解後用鹽度計測度鹽度並將水調校至適合的鹽度。
將瀘水器架好，開啟瀘水器及氣泵，打氣一天，第二天可落魚。
9)金魚.......不過要睇你養得好唔好! 你買1~2條既清道夫/琵琶番黎....佢專食屎屎的-3-
10)食魚糧
11)早一次,,晚一次,,千祈唔好比D魚呃-3-...佢地一見到你....佢就會游晒上去...想你比D魚糧佢食...但係D魚魚你幾日唔餵都唔會死...但係你一見佢游晒上黎,,而你又比野佢食既話...D魚就好易死...飽死個隻=3=
12)你換水2~3個禮拜到換一次...
要買既野..你買一個細桶...一個撈網...2個大桶[[我見議你買2個唔同顏色既桶番黎...同埋一舊野..尼舊野有兩個咀...一個係擺係魚缸入面抽水既...另一個咀就係擺係個桶到...咁就有個野「賓」水出去個桶到既...

你撈晒D魚落個細桶到,...跟住擺我所講既個舊野[[SOR呀,,我唔知叫咩...所以叫一舊野= =]]
落魚缸到...跟住就搵其中1個大桶黎[[你要認住邊個桶係攞黎倒魚魚既污慒水既...其中一個攞黎倒D水入去,,]]...咁呢.....就葎是但一個大桶...就禁下個舊野既個「賓」到...禁到佢有水出去個桶到為止...咁你見到個桶就黎滿水個陣..就倒鬼左佢...繼續「賓」....「賓」到冇水就拎個缸入廁所...就洗缸...如果你用類似藍威寶個D野洗既話......你沖水個陣就要小心...你可以倒D乾淨水係個缸到...跟住睇下有冇泡泡,,冇就OK架喇..跟住就搵另一個大桶..就係水龍頭到攞D乾淨水...倒入你洗完既魚缸...倒完水...你就去洗個個濾水器...個濾水器..你搵一條毛巾同埋一隻筷子黎洗既要.......而個氣「賓」就抹下就OK...
跟住你就抹乾D濾水器.....跟住就換綿花..你買一隻厚一隻薄...厚既底...薄既面
你做晒以上既野就可以撈番D魚入魚缸到......
大功告成
13)唔好買鯊...咬魚架
14)水草...最容易買...去水族廣場到買...10蚊一札...平靚正

魚缸問題

1) 買一套大約12吋或以下的 套裝魚缸 多少錢?
二百元以下應有交易。

2) 那裡賣較平較好一點魚東西的店舖買才好?
卡奇啦,無招呼,但係平。

3) 套裝魚缸有甚麼工具的?
唔多夠光光管,好唔夠力既潛水泵,裝唔到野既所謂濾水器。

4) 12吋或以下魚缸可以放幾多條魚?
十條都得既,睇下你D魚幾大啦。

5) 買了魚缸後, 是否要開缸?
你放魚落缸咪叫做開缸羅。你估係佛珠咩。

6) 開缸物料是甚麼? (eg. 環?沙?消化細菌?...)可以例明價錢嗎?
呢D係養菌物料,唔係開缸物料.人地所謂開缸係"魚缸的開始"咁解,無特別儀式架。養菌,一定要用環,買隻好D既環啦,真係一分錢一分貨,唔好貪平；細菌水當然唔少得啦,如果濾材唔夠不妨加多個沙樽。

7) 還要買甚麼額外物料? (水草?)
悉隨專便,但提你越加得多野,對水質越有影響,你自己取捨。

8) 開缸過程是怎樣的?如何?(步驟?)
放水,放環,加細菌水,開動潛水泵,每日開燈八個鐘,有得佢得兩個星期,唔好加魚,兩星期後,加兩三條魚仔,痾下屎痾下尿,等硝化細菌有糧食進行氮循環,如死魚唔使驚奇,亦唔使急於加回新魚,由得佢；行得兩個零月就養得魚。氮循環係需要三個月先會完成,而魚缸水質隱定就要半年或以上.


魚問題

9) 另外甚麼魚最不容易死亡?
水質好,什麼魚都不會死,先養好水先,我就養左三個月,已經開始出青苔。

10) 以上魚最好吃甚麼?
最好食乾糧,買多幾種轉換下都無妨,急凍糧都算安全,但盡量餵少D,紅蟲就嚴禁,食一次足以乃野。

11) 每天餵自多少次?
魚唔怕餓,餵得多,水質就容易壞,你就成日死魚,所以魚舖日日都有生意。兩日餵一次就得,你可以日日餵既,除非你套過濾好好啦.

12) 多少天換水? 及換水的最好方法
換水黎講,水要預先一兩日儲起,除走氯氣；每次換四份一或五份一,不可換太多。

13) 我看到有得買鯊, 真的是鯊? 會攻擊其他魚類的嗎?
當然會啦。

14) 另外, 想放一些少許其他海洋生物, 可以放那些的? 容易買到嗎? 便宜的嗎?
咪住,講左咁耐,你養咩魚先？淡水定咸水？海洋生物唔可以放淡水架喎！以上說法只供淡水,如果你養咸水魚,你仲要加個化氮添架。
你不如去D論壇度學下野先啦。

12吋套裝缸有150-250都有只是欵色問題和內置器材質量.套裝缸大部份魚鋪都有售但金魚街特別多花欵.套缸有濾水.暖管.氣泵.氣石和喉.基本器材都齊全.有Ｄ有埋夾燈添.開缸程序只要將所有器材啟動放滿水裝好過濾棉.連續運行三天之後換掉半缸水再運行三天便可.物料睇你養咩魚啦.養燈魚嘅放泥同沉木較好.養金魚放石或石春.養南美魚放珊瑚粒或沙.水草唔係隻隻種得有大部份要另供氧氣如co2之類.初學放針葉皇冠或羅漢茜好Ｄ.步驟同上但落泥或沙石應先清洗一下.泥可買即用的.珊瑚粒和沙要先用暖水清先.(好似洗米咁便可).放水前先放下沙石之類.買魚盡量買魚缸選購的.袋裝魚可能有病魚混入.餵魚每天一次便可以一分半鐘食完為基本隔三天換水一次熱帶魚換4份1水.金魚類可換3份1水.買條吸水泵吸水最方便.鯊魚應是普通的銀鯊.槌頭鯊之類.當然大了便追細魚食.海洋生物咸水魚鋪大把.但初學者先養淡水魚吧.細缸養四間魚紅劍都不易死亡.皇子魚亦可.紅寶石都好但是惡魚.自己試吓選擇吧盡量先買細魚吧但不要養BB魚新手難控制.
(純屬本人經驗希望幫到你)

養魚是一種非常奢侈的東西, 買魚是不貴的 (例如 : 金魚, 光管魚, 紅劍等等), 你可能要買很多它的配件來配合後供你觀賞, 如果你試計算一下, 你可能要花費很多, 你應細心去想一想當你決定養魚時o

魚死亡的原因是有很多, 可能因天氣, 水質, 溫度和過飽等等的問題都會另到魚死亡, 最容易和最平的魚是"金魚", 如果大金魚你應買給魚吃的麵包, 細金魚你應買細魚糧(大約HK$10 - HK$12), 當你買魚時應問老闆這些魚是否適合同家中的魚相處呢?

魚有分淡水魚和鹹水魚, 你應決定養那一種類的魚, 養淡水魚是比較方便, 因不用調配水的鹹度和溫度, 你只需要在升冬天時加暖管便可以o 你應每隔三至五星期換海棉或者清潔它便可以, 如果水質很清你可以不用太早換, 如水質很污濁你只要換一半隔了一晚的水便可以, 記住一定要隔了一晚的水不可以用即開出來的水喉水, 記住.....記住呀!

魚生病時, 它的魚尾會起白色班點, 你就需要買藥水給它, 這條生病的魚應立即要隔離o