我隻貓女超驚人.... 點可以令佢無咁驚人?

我既情況同你差不多，但比你更嚴重!!!
現階段最好等佢唔好再驚，唔好刻意理佢，因為佢已經被嚇親! 變成--->童年陰影!!
你可以o係餵野佢食時就摸下佢，同佢傾下計，然後行開，等佢知你係無惡意既!
唔好捉佢(不過有時要剪指甲....所以都好難既)，
無咩事都唔好再叫朋友或陌生人上黎屋企，
就算要上黎都唔好叫朋友去睇下佢!

而我隻喵喵女.........
佢一個月時回來，好活潑好動好鍾意玩爸爸既腳指，
但有次佢偷走左出門口，又唔識路返黎，結果去左人地屋企，
驚動到管理員上埋黎我至知佢走左出去，
我帶佢回家時佢已經極度驚慌，
自此..我地開門佢都會好驚，其他都同你既情況一樣，咩都驚!!
尤其係人類!
因為佢同屋企兩隻喵喵都好fd，
事隔都成兩年，呢兩年佢都係咁，
我地唯有用佢最鍾意既野黎引佢多d行出間屋，
(因佢可以成收埋自己o係個無人見到佢既位度)，
例如︰佢好鍾意食罐頭、玩毛毛棒、老鼠公仔等，
我地放出黎俾佢玩，等佢可以多d出黎玩下咁囉!!
同埋餵食時摸下佢...不過而家都係抱唔到佢架!!
抱佢佢就會爭扎甚至會賴尿 >.<
我地用毛毛棒同佢玩多左，佢又好似大膽左d，
有時都會主動用個身去"hi"下我地咁，
同佢影相都係靠支毛毛棒咋!!

不過有朋友叫我帶佢去睇醫生，唉....連門口都出唔到，點去喎!!!

性格問題，無得教的．

我６隻貓ｂ一齊養到大，
有ｄ日日都出街　”威”，又會比的靚仔追幾條街．
有ｄ見陌生人怕人，見狗怕狗，但係見貓打貓，長勝將軍黎嫁．

到現在已經唔打交，唔出得街（１３歲喇唔比得佢地出街）．
怕陌生人的始终怕人．
唔怕人的一係就見人”痴”人，一係就大搖大擺，”睬您都傻．

我會幫ｄ怕人貓　找（安排）個安全地方，比佢喱（其他人睇唔到佢，但佢可以睇得到我地）．
我想怕就無得改膽我比唔到佢，但係唔想佢怕到震，喱成日都唔知幾時至可以出返黎．

．．．．

bring it outside more or bring to animal facial shop