我養左隻狗狗啊....不過

d狗狗大約3-4個月就要教架啦，過左一歲就會好難教。關於便便，你可以o係狗狗食完糧之前o係廁所or佢間房舖滿報紙，佢食完後約一個字就擺狗狗入去，等佢o係報紙上面痾，久而久之佢就會習慣o係有報紙o既地方痾架啦。(我隻狗媽生d狗b一個月左右就自己走埋報紙痾，可能睇呀媽o係果度痾，佢地又跟住~我影左佢地痾既相，好搞笑，不過我post唔到上黎)
隻狗仔當你叫得佢多d佢就會知自己個名，得閒就同佢傾下計，叫佢多d，佢就會認得自己個名架啦。不過有d狗狗係好cool架，就算佢知自己叫「旺財」，你叫佢，佢都係唔係點理你既，但佢知你叫緊佢個喎，真係吹脤。
如果佢亂咁咬野就真係唔好就佢，要吼佢咬緊果時即刻大聲鬧佢，如果唔得就搵手指彈佢個咀，再唔得就搵報紙捲起，細力打佢咀咀。記住要當佢犯錯時即時教，因狗係冇咩記性既，佢地轉個頭就唔記得自己所犯既事架啦，如果你隔好耐先罰佢，佢會唔知點解你罰佢架。
希望我o既經驗幫到你啦

我自己都是第一次養狗，諗咗好耐才決定，頭一個月都是馴服唔到佢，想過放棄比人，但最後同自己講不可以這麼快就放棄，到現在已經４年有多了，慢慢你會知道牠的脾氣了，但你當然要用多點時間去教牠，以上各人的方法都是可行的，只要每次牠一做錯，你要大聲，手指着牠說ｎｏ，或輕輕彈牠的nose，有時適當的打是要的，早餐食糧可減少一點比牠，因你晚上已回來可比第二餐，但要少，雖然說ｂｂ狗要吃四餐，但唔通隻隻狗都有人在家服侍牠咩？我姐姐家中亦是有隻ｂｂ狗，她每天都是給牠吃２０－３０粒，還有寵物是會知道你叫牠，只是牠不聽你話，只要用少少零食，就可．　努力！再有問題再大家研究研究．

首先，在你想小狗去廁所的地方鋪上報紙（咁樣唔會整污糟地方），當你見到佢想去廁所時即刻抱佢去報紙上面。有時佢係第二度大小便，不要立刻清理，要捉住狗仔在牠的大小便面前鬧一鬧佢同打打佢，等佢知道自己做錯，再即刻抱佢去報紙上，等佢知道應該係報紙上方便。我的小狗很快就學識了。

另外，你同佢玩或摸佢時，可以一路叫佢個名，等佢知自己知咩名，佢慢慢就會識應你架啦。

至於咬野，好難教，因為幾個月大的小狗會換牙，會發牙痕，所以好鍾意咬野。你可以買ｄ專畀狗仔咬的骨骨同玩具佢咬。如果佢咬你或者咬家俬，要鬧佢，如果唔係會寵壞佢架。

另外，你係咪一個人住呢？3-4個月小狗最好一日食3-4餐，如果有家人一齊住，可以請佢地幫手餵狗仔，如果唔係成日流流長，佢會餓的。同埋當冇人在家時，最後放佢落籠，一來可以防止佢周圍大小便，二來可以防止佢因周圍咬野而食左太多細菌，始終佢仲細，未打晒防疫針，抵抗力冇咁好的。

佢依家開始發牙癢, 你要買些尊比狗狗咬既野比佢咬啦! 同埋, 當每次佢咬你時, 你要大聲"NO"佢, 指住佢, 你試多幾次, 佢就會明白這樣係唔得的.

至於去廁所, 你試吓用報紙吸了它的尿液, 然後等張報紙乾, 之後放在你想它去的位置, 比它臭臭報紙的未, 如果它在地上尿尿, 你要用少少既漂白水, 又或滴露搽吓地吓, 因為可以去除它的尿味, 等它臭唔到地下有自己的尿味而再在這位置去尿尿!

當它懂得去報紙上柯, 做對了, 你應該稱讚它, 例如, Good, 摸吓它的頭, 然後給它一件小食, 等它知道, 原來咁做係有獎的. 相反, 如果它又在地上去, 你就要立即大聲"NO"佢, 指住佢, 等它知道自己做錯野!

其實教狗狗一D都唔困難架, 信我啦, 只要你每日用少少時間, 教吓佢, 同佢玩吓, 好快佢就會學識! 最緊要有耐性, 同不要太過寵佢, 要比佢知道邊樣係對, 邊樣係錯既! 同教小朋友無分別架. 比心機啦!