我愛上一個有夫之婦!!

問題是你要短暫還是長期的關係。短暫的隨你怎玩。要長期的話，就得好好想想。

關鍵點也不是否喜歡她，這一點都不重要，重要的是她對你有多少興趣。

如果她對你有百分之九十九的興趣，恭喜你。但這不是用嘴巴說的，是她的行動，她會主動地跟老公離婚，她會考慮小孩的問題等等。她沒有這些行動，那代表她只是對你有興趣，或者多於百分之五十一，但也不可能太多，靜觀其變，不要 call 她，什麼都不要做。

另外，我必須罵你是豬頭，有女友還去勾三搭四，不要說你沒法控制自己的感情，沒法控制自己感情的男人，對不起，你其實是吸引不了女人的，久之她們也會棄你而去。所以，你應該先正視跟女友目前的關係，你對她的興趣度有多大，她是否適合當伴等等問題。

初戀永遠係最難忘的!! 因現在已不再難忘了!! 記得第一次嘗試到被愛的感覺, 就係同一個有婦之夫一齊, 我識佢的時侯知道佢有老婆仔女, 相處之後, 我好記得第一次佢約我去街, 佢拖我, 明知唔應該同佢一齊, 唔想破壞家庭, (但會覺得, 本來佢地個家庭就係壞左) 亦都同佢傾好唔左唔可以, 最終到係開始左, 但分開也是結果.........

回想當初點解會同佢一齊, 發現其實自己唔係真係愛佢, 係知道佢同老婆有問題, 唔開心, 想幫下佢, 自己又覺得有人鍾意自己, (因未試過), 咁就開始了一段錯唔的感情...........

你要諗下, 自己係鍾意佢, 定係見到佢過得唔好而想同佢一齊, 令佢幸福開心, 其實都好難分得清, 因你已投入了, 但如果係後者, 我想同你講, 有一日你會後悔放棄了你依家個女朋友!! 因為對方好大機會係唔會離婚, 就算同佢有幾好都好, ..........我的體會.....

2007-01-26 00:24:04 補充：
其實我唔明, 點解自己身邊有個好的, 又愛自己的, 都重要去揀第二個, 唔通D男人總係覺得隔離飯香?? 要同人爭先開心?? 點解唔可以好好專一愛自己身邊果個?? 雖然聽過, 如果兩個人無問題, 其他人點都唔可以拆散佢地, 但係, 男人既忍耐力一D都唔好, 好容易就會被其他引走去...............有D野你有諗過, 但唔代表對方要接受, 佢囡囡都唔一定可以接受到自己有個新阿爸啦! 對小朋友黎講, 心理影響好大, 唔敢面對他人............真係要諗清楚先好呀!! 有D野做左無得返轉頭

　　其實愛係什麼？係一種感覺？當有一天，佢拋棄佢個女（就算你照顧佢個女，佢個女是否開心父母因你而離異？），拋棄佢丈夫，你又拋棄你所愛拍拖三年的女朋友，同佢一齊，甚至拉埋天窗，你們是否真是會覺得幸福？
　　有一些人，你總是會夢見她，但你又不會真是和她在一起，因為你知道，不可能就是不可能，只有在回味那一刻才最美麗。
　　女人有時好心軟，對你說唔同你一齊因為佢個女，或者因為佢唔忍心同你講，其實佢又愛佢老公又愛你。你又何嘗不是一樣，又愛你女朋友又愛佢呢？通常你亦會同佢講，同女朋友之間有一些問題，但你真是不愛你女朋友嗎？不愛就不會相處到三年了．．．
　　不如俾自己冷靜一兩個月先，想吓你想要怎樣的生活、想吓如果那女人真是佢你一起，是否真是你渴望的生活：可能佢常常想起以前的家、可能因為個女同家人搞到關係好差、可能你心裡很難過自己辜負了之前的女朋友、可能你整天害怕那女人還是會同丈夫一齊、或者你害怕又一個第三者出現．．．
　　如果你唔想自己揀，你把呢件事同你女友講，等你女友幫你揀。不過呢件事拖得越耐，唔單止傷害對方家庭，仲傷害你自己，因為你越收越多不可告人的事，不能和你女朋友担白分享。
　　我會勸你唔好再見那女人，不過呢ｄ你自己才揀到。

1,你們有甘多年無見,你見番佢可能只是回味同懷緬,已經唔係愛了.
2,你跟現任女朋友拍左甘耐,三年的時間是踏入悶同没有新鮮的開始,在這個時候你很需要一種衝激同新鮮,但並不代表你不愛你女朋友而愛你那個初戀.
3,人地有老公,你自己想下拉.唔係話離開就離開,無愛都會有感情有習慣.
4,佢經濟紿終係依靠佢老公,如果佢日後一時之氣跟你走左,你有這樣的經濟能力負擔她和她女兒的生活嗎?讀書費,生活費,等等...
5,一個安定左甘耐既女人會不會再跟你一起過一些不安定的生活?就算會,你擔保你跟她一起了之後,你和她之間,不會出現她跟現任老公一樣的問題嗎?
6,不是想,不是說,要行動的,要負擔一個家庭,照顧老婆,仔女唔係一件易的事情,你們都是大人了,成熟了,不要衝動吧.
7,你自己話唔想破壞人地家庭,其實問你心一句吧,如果你没有她是不行的,你還會不會這樣想?還會顧這樣多嗎?其實你只是想得到初戀的甜蜜,潛意識又不想負責任,不想承擔那難以想像的後果及麻煩.好明顯,你根本不是愛她.你只是喜歡享受新鮮萌芽的感覺.(是一種錯誤愛的感覺.)
8,你同佢KISS,係因為你作為一個男人本身的反應.(特別係你這個容易受引誘的男人)
9,你自己想一想,你和現任女朋友經過幾多野?一起了三年多的時間,你因為一個7.8年前的初戀,一個相遇,一個KISS就動搖了你?
10.如果你現任女朋友被你趕走了之後,有人追佢,又或者當你女朋友真的不再愛你,對你失望放棄,你會怎樣?請你到時別後悔,別心痛.(幸褔唔係必然的.)
太多太多的問題你是一定要去想的,唔係一句有初戀感覺就可以失去理智.真心說句:有哪對夫妻没有問題的?你對人地夫妻的問題了解有幾多?兩個人的婚姻是神聖的,唔好人雲亦雲,唔好隨波逐流,無論社會的風氣怎樣,幸福除了自己爭取外,還要自己去建立,自己去制造.兩個人可以一起是一種緣,兩個人可以成為夫妻更是一種福,有咩問題是解決不了的?為何要跟你KISS?做出一些這樣的行為?(這不是開放的表現,不是型,是不尊重自己,也不識尊重你同佢老公的失禮行為.)既然這樣不定性,就請不要將毎女生下來,不要結婚.
你自己想下啦,我的說話可能不動聽,但希望你開心同珍惜你身邊的人.

2007-01-20 11:35:18 補充：
我有一個好好的男性朋友就是這樣,他一路都俾緊時間個女人,我看到他一路都很痛苦,很憂慮,前面的路好像完全不知道會是怎樣似的,很暗.因為無論現在還是將來,只要他一天都行着這路,我一天都看到他的笑容.請你三思.祝幸福快樂

其實你鍾意的可能係果種"初戀"的感覺, 加上你同女友已經3年, 有d悶所以先有咁樣的感覺, 但可能時間一長就唔同講法.
你要知道人地有個女, 又有老公, 雖然佢地關係有問題但唔代表你有權戒入, 可能佢地原本有灣轉但因為你的關係而終結呢! 而且你都話因為佢有個囡囡所以佢唔會擇你, 明知無結果就更加唔好戒入,同時你要為人個女著想.
而且如果你地一齊, 要面對的問題何其多!你自問有能力冷靜咁應付嗎?
感情是無理可講的, 但都要盡量保持清醒, 愛一個人係一世的事唔係一時衝動(加上人地係有夫之婦)

雖然我地互不相識, 但都希望我的意見你可以考慮, 比d時間自己想清楚!
甚至更偉大, 做個和事佬, 幫佢地修補反段感情不是更好嗎?
畢竟"子女是最無辜的"!!!!!

你想做負心漢呀．．．？！
你那個三年的女友有點慘
畢竟跟了你三年～就因為那個有夫之婦
會唔會過分左ｄ呢！！

老兄～諗清楚喇

你們以前分手的原因是什麼？已經解決了嗎？現在大家有感覺到底
是因為真的喜歡對方？是為了感覺？還是因為大家與現在的另一半
有問題而想逃避，但其實多年前的問題跟本從未解決？她現在有什
麼改變呢？你又有什麼改變呢？

做人除了感覺還有很多責任，你願意對她承擔多少責任？你願意替
人養兒育女嗎？她個女唔喜歡你的話，你可以忍受嗎？她事事以
孩子為重你忍受得來嗎？她現在與你可以舊情復熾，她與你一起後，
又與老公舊情復熾你如何自處？

你認識她老公為人嗎？會唔會是斬完全家自己走去跳樓的那類人呢？
凡事要付出代價，你隨便破壞別人家庭，將來你會要為此而付出代價。

人就係咁...
明知道咩係o岩 咩係唔o岩
但係明知道唔o岩都要去做...
好似上面位大大所講 『你要搞清楚自己實在鐘意邊個？』
理想同現實係兩回事
可能到最後兩個你都唔會得到
所以你好應該坐底好好想清楚
分析各方利益、權衡輕重
保重呀,,,老兄！

我諗你應該諗一諗你鍾意邊個多d
如你鍾意first love 你應該同佢講 睇下佢點
如果你鍾意你女友多d 咁就....唔洗多講啦