離職問題 ........ ?

僱主需要發放
• 任何未發放的工資；
• 代通知金（如適用）；
• 工資代替任何未發放的年假，及該假期年按比例的年假薪酬；
• 任何未發放的年終酬金，及該酬金期內按比例的年終酬金；
• 長期服務金或遣散費（如適用）；
• 其他僱傭合約內列明的款項，例如年積金或公積金等。
除遣散費外，僱主最遲要在合約終止日或合約到期日後7天內支付解僱補償。
僱主須在接獲僱員所發追討遣散費的通知後2個月內支付遣散費。
法例無話一定要俾離職通知書架喎, 不過 通常last day都會俾埋封信你既

其實係應該未離職之前計好哂d大假先既，一係比錢，一係就放埋佢(即如1月31日離職，有5日大假未放，就應該做到26日)！
如果佢冇計而走左，我諗你要返去問番個會計啦，
一般要係離職後7日內出埋d糧架！
離職通知書最好就梗係離職前比埋啦，但好多公司都會係出糧既時候一次過比埋，有d衰d既就起碼拖1-2個月都未比架，但你又冇法喎，舊老細講得你唔好，早比你都冇用啦，所以好多人都唔會催既！

基本上做滿三個月離職，便享有大假當然要計啦，但依加有公司會在CONTRACT寫明做滿一年才享有大假咁便沒有了，如有應連同最後一期糧發給你，而時間根據勞法例應是你最工作日後計七天內出比你，"離職通知書"又無話幾時比既，正常公司會係你工作最後一天比你囉，因為比你之後就沒有瓜葛。

佢係一定要計番大假俾你既,如你有7日大假啦~你應該要做到31號既,甘佢可能會提早7日叫你不用返工,甘當放埋d假俾你,有d就會俾番錢你,
根據香港發例計,你應該離職既7日內要出埋糧俾你,不過有好多公司都會照佢地出糧既時間入返俾你,甘睇下你覺唔覺得ok~
離職通知書多數會在你最後一日會俾埋你~
最後你都要問番你公司點樣做,如你覺得合理咪ok囉~

若你大假仲未放晒, 佢要計番糧俾你, 跟糧期出. Reference Letter 通常公司會係你走之前俾你, 但你應該問多人事部一次: 若你係走之前佢地仲未出到俾你, 是否要你專登番黎攞還是寄俾你?