狗店 vs 狗場買狗經驗 - 第二章

第3隻買既狗係無意中買既, 係西貢一個狗場買, 個狗場係幫人訓練狗隻同寄養, 佢有個泳池比狗游水, 當然會做埋繁殖狗隻黎唯生啦.

我買果隻係玩具貴婦, 雖然話係狗場買, 但價錢絕對唔平, 超過1萬. 不過, 你會發現狗場主人夫婦係真心愛狗人士, 佢地自已有養狗作繁殖, 賣咗既錢就用黎維持狗場既開支, 佢地好鍚d狗, 同好知道每隻狗既脾氣性格, 佢比d狗媽媽同bb住既地方, 足有 20~30 呎大, 係獨立既空間. 我當時其實係鐘意金毛, 但老闆同我講, hk既金毛過量繁殖, 令到好多金毛有脊骨問題, 影響後腳集立. 因為老闆知道我已有3隻狗, 其實佢都無諗過我會再買第4隻, 但係佢都同我傾好多養狗心得, 又好樂意我同佢d狗玩.

所以, 雖然第3隻狗係咁貴, 但我覺得係值得既, 因為佢健康活潑, 無病無痛, 佢既品種亦都好純, (老闆無呃我)

我唔係鼓勵各位買貴狗, 要視乎經濟能力. 不過, 與其咁多人曾經係狗店遇過咁多不愉快事件, 何不去領養, 一方面可以解救果d有機會被人道毁滅既動物, 另一方面可以斷絕無良狗店既主要收入, 令佢地逐漸毁縮.