追到後...應否...

相信閣下提問這些問題，不是初戀，就是深深的喜歡對方那種人吧! 而且是戀愛中萌芽階段，初起步的時候。正所謂萬事起頭難，我認為你所提出的問題就是涉及男女相處技巧的問題，而在探討這個問題前，我認為你先不要過份擔心及緊張，因為這樣會使對方認為你欠缺自信而失去對你的安全感的。
我建議在戀愛萌芽中的朋友，可以使用三種技巧，就是保持狀態，重視承諾，了解對方。
所謂保持狀態，就是除非她作出要求，否則不要轉變在追求她之前的態度，從前是怎樣的，現在亦會這樣。因為別忘記對方願意跟你談戀愛的原因，其中之一就是你以前對她的態度，如果這種態度一旦轉變，就會影響她對你的評價了。這裡說的態度，不但是你對對方的感覺認知，甚至於你的行為。例如你平日在什麼時候致電給她，便繼續如以往般，以前是怎對她的，現在都一樣就是了。如果你能夠做到「大部份人認為這樣做就是對女朋友好」的事情，便取滿分了。 「大部份人認為這樣做就是對女朋友好」的事情包括抽多點時間陪她，跟她一起去公園玩，送禮物給她，逗她歡喜等等。
至於重視承諾，除了要重視以前的承諾，這個階段所許下的任何承諾都要有所交待。其實這點在任何時候都需要注意的，但這個階段便更加需要留意，因為不重視承諾，她便不會對你有信任，雙方關係難以維持長久。這裡所說的重視承諾不但是你所應承的便一定做到，即使做不到，也要對對方有所交待，懇求對方的原諒，千萬不要忘記自己曾許下的承諾。據我觀察，重視承諾是最能取悅女孩子歡心的。
當你對她好時，對方一定感受到的，但不要因為她在這階段接受你的好意時所表現出來的快樂、開心，是真的開心，因為她可能是不想令你失望而已。有時她不喜歡的都要強作喜歡，就是不想令你失望。因此你必須要了解對方，經常與她溝通，跟她談多些人和事，從中了解對方喜好。這些功夫是少不得的，這有助你將來跟她發展的深遠影響。
當你對對方付出太多而開始感到疲倦，而對方亦開始對你對她的好已漸麻木、或持寵生嬌、或不理你你感受，只要你待她好便足夠的時候，亦代表雙方關係開始失衡，正是進入另一階段的時候。如果到時再有問題，到時才再提問吧!
要記緊，相處技巧是沒有人可以教你，最重要是有心，用心去相處和感受，才是真的對她好。
還有，對她好的時候，不要只顧對方而忽略自己需要，因為如果她真的喜歡你，如果因為對她付出而自己受了過份的委屈，她是不會開心的，這樣做亦不見得對大家都有好處。
最後，提醒在這階段的朋友，記緊要確認對方是否認同大家的關係，不要一廂情願認為對方是自己的女朋友，但原來對方從沒想過，只是溝通誤會等。因為如不確認，不但會白費了自己的付出，亦可能會因為過份熱情而不自覺地騷擾對方，換來悲劇後果。
如何確認雙方關係? 用心吧!....^^…

愛一個人時,不會去計較邊個付出多d,愛情唔係天秆去計下邊個多d,你去愛一個人時,
唔會諗,我應該對佢唔好定好,當然係對對方好喇,除非佢唔值得你去愛佢

大家拍拖時,有時比對方一d浪漫和驚喜只是增進感情,大家有d情趣!
唔係要日日都有架喇,熱戀期過後都會有平淡期,當然要好好維繫大家感情
對情人好,,她會否漸漸忘記珍惜你?點解你會咁問?除非佢唔愛你,
感情係雙方去付出,唔係一個人,如果只有你一個人,當然會怕佢有日會離開自已
適當時候做適當既野,應該對佢好時咪對佢好,但唔係全部就佢,
呢d唔係叫忽冷忽熱,而係岩時做岩既野,唔係咩都順佢意,否則沒有了自我
別人覺得你係應份,感情只有你一個人付出
咁做已經足夠,唔洗對佢衰,有適當關心,但又唔好咩都管住佢
明白嗎?

2007-01-18 13:24:03 補充：
你唔係玩弄感情,氹佢上床,你覺得自已有害過佢d咩呢?佢唔係細老女,大家都係成年人,你把佢照顧得佢沒有了獨立才會變得倚賴佢咁快變成咁喇?????

絕對要啦,唔係叫你寵壞佢,但你唔可以對她不好又或者冷淡

當然應該．．．你同佢一齊唔係都係想對方開心咩！點解仲要考慮咁多呢！
你對她這麼好, 會否漸漸忘記珍惜你，咁你唸下如果你對佢唔好佢又點會去記得你，叫佢點去學識珍惜你～

一對人更係互相付出，互相對大家好，如果單方面都唔會開心難忘．
呢個世界都唔會知道最後係邊一個先係傷害對方，只要係而家覺得咪得囉．因為我覺得其實每一個人都可能隋著時間　年齡　身邊嘅朋友　外界等其他野而改變，咁點解唔係大家未改變之時珍惜對方　對對方好呢～

我自己係女仔都好ｅｎｊｏｙ一個男仔無刻都幫助我，無時無刻都照顧我，比我浪漫和驚喜，幫我擋晒d風風雨雨．．．我相信係每個女仔會想要呢ｄ野，如果唔係點解要一齊呢？

至於你咪應該忽冷忽熱,咁佢先會識得緊張我，咁更係啦，咁係人會犯賤喀啦！
不過你又唔洗特登咁對人，自然ｄ咁得囉．．．．

祝你哋開開心心啦！

第一part問題，
是!!!但你一定做唔到全部!!!!只能盡量做!!!做到六、七成已經係極品!!!

第二part問題a，
會!!!!人會習慣舒服，習慣被服侍，被寵，可能你第一part未退減到得兩、三成，她也會對你說：「你變咗，你以前對我好啲!!!」你對佢忽冷忽熱，只係畀佢覺得你玩弄感情，若然你要做愛情勝利者，可以一試。

第二part問題b，
絕對不會，世界上冇一個人係冇咗另一個唔得，唔好覺得自己咁偉大，害了她??你打跛佢對腳話照顧佢一世就係害咗佢。

總括來說，
愛是不問結果收穫，
你咁問法，只有兩個可能，
一，佢根本唔鍾意你，只係因為你對佢太好，所以留低。
二，你熱情減退，發現對佢所做o既嘢冇回報，開始想走人。


你而家應該諗下，
究竟你係唔係咁鍾意呢個人??係唔係就算陷入苦戀都在所不惜???
究竟你係唔係太多委屈??做太多你唔係真係咁願意做o既事???
如果你發現係前者，繼續努力，用誠意去感動佢，令佢知道。(小心最後都係失敗)
如果你係後者，不妨搵機會同佢講清楚，兩個人貴乎溝通，只係得你一個，諗到佢頭爆都諗唔到發生乜事!!!