農曆新年Party遊戲

一些有趣的集體遊戲

天羅地網

1. 首先要指定遊戲的範圍，所有人不得離開遊戲的範圍。
遊戲中會有兩個角色, 一個是「鬼」, 另一個是「人」。「鬼」是捕捉「人」的人,「人」是被捕捉的人。
2. 先決定一個人做鬼, 他須由一數至十。這時，人須趕快逃跑。當鬼數完後， 便開始捉人。
3. 當他捉到一個人後, 使拉著那人的手, 然後繼續捉人, 這樣形成一條「人鏈」, 鏈首的人要不停捉人, 直到最後餘下一個沒有被捉的, 那人便是勝利者。
4. 而下一個做鬼的就是第一個被捉的人。
p.s. 如果多人的話，一開始可以選2個鬼。

聲控攻擊遊戲

準備：羽毛球，眼罩
1. 首先要指定遊戲場地的範圍，範圍視乎人數而定。
2. 2人一組，一個蒙眼，一個發命令。
3. 每組派一蒙眼人在場中，然後在場中放置幾個羽毛球，場外的人依次序叫自己個partner向什麼方向，走多少步，去拾羽毛球，拾到的人可以向場內的人拋，被拋中者出局，看誰可以成為場中最後勝利者

大風吹

1. 選出一個人當鬼，其餘的人都坐在各自的位子上，鬼要站著，沒有座位。
2. 當鬼喊『大風吹』時，大家齊喊『吹什麼？』，然後鬼再決定『吹？？？的人』
3. 例如鬼喊『吹穿裙子的人』，那麼在場有穿裙子的人便要起身換位子，這時鬼也要找個位子來座，最後會產生一位沒位子坐的人，就由那個人當鬼繼續玩。
4. 除了第一次當鬼之外，誰當了三次鬼就算輸。

老師說

1. 指定一個人當老師，其餘當學生。
2. 假如老師講「老師說，……」例如︰「老師說，坐下」，其他人就要聽老師坐下。
3. 假如老師只講「坐下」，沒有「老師說」三個字，那就不能做坐下，否則便淘汰，一直到最後存留的人就贏了。

傳汽球

準備：汽球，音樂
1. 除主持人外，全部人圍圈坐
2. 其中一個拿住汽球。一邊傳汽球，一邊播音樂，音樂停汽球就要停傳
3. 個波係邊個度就算輸，有冇罰就睇你喜歡。

狐狸先生幾多點

1. 首先找一個大約長十多米的場地
2. 搵一個人出黎做狐狸先生，其他做人
3. 狐狸先生企在場地的一邊，其他人就要站在另一邊。
4. 之後其他人就講：「狐狸先生幾多點」。
5. 之後如果狐狸先生話幾多點 (１２點除外)，其他人就要向前行幾多步。例如狐狸先生話：「３點」，咁其他人就要向前行３步。行完之後再問「狐狸先生幾多點」。
6. 如果人向前行途中已經去到狐狸先生那邊，之後就可以向後行。
7. 如果狐狸先生話：「１２點」，就可以立即捉人，其他人就要走返去起點。如果未返去起點而又比狐狸先生掂到，佢就要出黎做狐狸先生。

灑盲雞

準備：毛巾
1. 首先要指定遊戲的範圍，所有人不得離開遊戲的範圍。
2. 首先搵一個人，用毛巾圍住果個人對眼，然後數１０下
3. 數完之後就去捉人，途中其他人要比少少提示，例如：喂，我係到呀！
4. 其他人如果被果個人掂到之後就要做捉果個。

麻鷹捉雞仔

1. 一個做"麻鷹"，一個做母雞，其餘做"雞仔"
2. 雞仔在母雞後面排隊，各人用手搭著前方的肩膊，防止隊伍散脫。
3. 之後麻鷹企在母雞前面。要繞過母雞就去捉ｄ雞仔，母雞要伸開雙手，甚至轉換角度，去保護雞仔不被麻鷹捉到。
4. 捉到既雞仔就要出局。

糖痴豆

1. 首先要指定遊戲的範圍，所有人不得離開遊戲的範圍。
2. 搵一個人做捉果個，一個做被捉果個。其餘的人2人一組，兩個人痴住，分散係遊戲的範圍內。
3. 捉果個開始捉被捉果個。被捉果個要隨便走去其他組某人的旁邊。咁某人旁邊的另一個人就會變成被捉果個。而先前被捉果個就會變成普通既人。例如(A-> BC 變成 AB C->)
4. 如果捉人果個捉到氣喘都未捉到一個人，咁佢就輸左。
5. 如果被捉果個比人捉到就要做捉果個。
p.s. 如果再多d人玩既話就分兩批,或者改良一下.

估領袖

1. 參加者圍成一圈，臉向圓心坐下，然後選出一人離開場地。
2. 參加者選出其中一人做領袖，他負責帶領參加者做各項動作如鼓掌等，參加者就要靜靜地跟從領袖，若領袖轉換動作時，所有參加者也要跟他轉動作。
3. 離開場地的人回來，站在圈中間，憑著觀察參加者的動作和表情來猜測誰是領袖。
4. 一般會給予三次機會，若猜對了，領袖需離開場地；否則要再離開場地繼續遊戲。

紅綠燈

1. 一人負責做『紅綠燈』背向參加者，其他參加者則站在另一端，相距約十碼 (可自定距離)。
2. 『紅綠燈』背著眾人說：「一二三紅綠燈，過馬路要小心！」，然後迅速轉身，當參加者被『紅綠燈』看見移動便輸了，便要排在『紅綠燈』後面(勾著紅綠燈的手指尾)，如此類推，等其他人救。
3. 眾人爭取『紅綠燈』背向他們時靜靜地接近，第一個到達便可斬斷排在『紅綠燈』後面的人，然後大家趕快地逃走，同時『紅綠燈』會立即叫一聲「停」，所有 在逃的人便要停下來。
4. 『紅綠燈』可跳三步，並在三步之內觸摸到停下來的人，被觸摸到的人就做『紅綠燈』繼續遊戲。

[[仆傻瓜]]
準備: 一碌捲埋左的報紙
1. 圍圈坐
2. 一個人被選做"傻瓜"去仆人個頭, 去仆之前叫被仆那人(a)的名
3. (a)唔想被仆的, 要快快講出其他人的名, 但唔准叫隔離果個
4. 直到被打中的就出黎做"傻瓜"
好處: 一班唔熟ge人可以好快記得人地d 名

[[掟手帕]]
準備: 手巾/紙巾一塊
1. 圍圈坐
2. 一個人被選做"開始者", 拎住手巾
3. "開始者"圍住個圈行一轉, 之後開始揀"目標", 揀中果條友就靜靜雞掟低條手巾係佢後面, 然後繼續行
4. "目標"發現自己身後有手巾後, 要追''開始者", 捉到到的話可以坐番原位, 3圈追唔到而"開始者"又坐左佢個位的話, "目標"就要做下一個"開始者"
p.s.:各人唔可以望自己身後有冇手巾
唔可以提水
"開始者"掟手巾唔可以掟太遠, 要俾"目標"摸到條手巾

[[馬騮搶球]]
準備: 一個波, 排球/籃球size
1. 圍圈企
2. 選一人做馬騮
3. 其他人將個波拋俾對方
4. 馬騮想辦法搶個波到手
5. 一旦馬騮搶到了, 對上一個點過個波的人就做馬騮

[[閃避球]]
準備: 一個波, 排球/籃球size
1.分兩組(a,b), 雙方對望咁企
2. a組先開始, 拎個波掟b組d人,
3. b組要接住個波掟番a組; 接唔到而被掟中的, 就要出黎, 企o係a組最後排做俘虜
4. 俘虜唔可以踩過界, 要等機會接到個波, 掟a組的人, 咁被掟中的a組人又企去b組後排做俘虜
5. 如是者, 邊一組的人最快死哂就輸
p.s: 唔好太大力掟親人...

[[數字球]]
準備: 一個波, 排球/籃球size
1. 一人一個number, e.g.1-10
2. 圍圈企
3. 1號開始, 拎住個波向上拋, 同時嗌一個號碼, e.g. 8號
4. 1號番埋位, 8號出黎, 接住個波, 又嗌一個號碼如6號
5. 6號接唔到/個波一旦跌落地, 其他人即有咁遠走咁遠, 直到6號執番個波並大叫停
6. 呢個時候所有人停低, 6號企0係佢執到個波的位置, 揀一個最近的目標用個波掟佢, 掟得中, 咁呢個人做下一個開始, 掟唔中, 6號就要被罰
p.s: 個波只可向上拋, 但又唔可以拋太低, at least 過兩米