理應開心....但我好驚, 有冇人可以教o下我點做呀~?

你似乎是~婚前恐懼感症~
你的憂慮~也是正常的~但要適當的處理~

不過從你所說中~以前一件不愉快o既事.......
我想你還是未放下~就算以前怎麼<不愉快>也好~
只是在你的~人生旅途上的一點點經歷而已~不是阻礙石!!!~
你大致亦因前事~導致影響將來~值得嗎?
既然是過去了~應該就讓它過去吧!!!~
現在的是~和你<現任>的男朋友~不是<前度>的男朋友~
這點我想你知道~要清楚&明白~
否則~對你~和現在的男朋友~不公平&沒有好處!!!~

至於~你好驚佢第日會變.......
首先~請你不要~將所見所聞的事~假設性建設在自己身上~
你擔心~先完bb的身材會走樣~沒聽過有<修身>這東西嗎??
諗o下諗o下就變得好驚.........不要杞人憂天~
你不知道自己巳是~身在福中, 不知福嗎??

你相信~你的男朋友感情~
但又不信任他~怕他將來會對你變心~
這點你自己~不覺得自相矛盾嗎?

愛一個人不是很難~但遇上一個去愛你的人~就是好難~
我相信你的男朋友~會為你而付出所有一切~包括你問題~
你巳好不容易地放下~以前陰影~
所以更加要~把握, 珍惜你現眼前的男朋友~

如你需要輔導~可向家庭計劃指導會<婚前輔導計劃>
希望能解答你問題~
祝身心愉快~ ^_^

我有個朋友 18歲時識左佢而家個老婆 亦都追求左佢一段時間 雖然中間係有好多問題出現 不過佢地最後都結埋婚 到左而家已經有2個女喇 兩公婆都成日手拖手行街睇戲 我諗幸福呢樣野係要自己去爭返黎 如果成日諗埋0的唔好既野 對你自己都唔會有幫助 學句老套既說話"逃避有用咩??" 唔通你成世都逃避只係拍拖唔結婚??唔通你呢次為左逃避 同而家呢位男士分手??唔通你又為左逃避 之後所有既男仔向你提出結婚 你都同佢地分手?? 或者以後都唔拍拖 孤獨終老?? 你自己認為咁樣會有結果咩??冇人可以輔導到你 只有你自己可以輔導到自己 只有你自己可以救自己.....

我覺得, 妳對妳現任的男朋友, 好唔公平.....

妳過去的陰影, 無論怎樣, 我相信都唔係妳現任男友所造成, 亦唔會係佢的錯.... 咁妳又點解要因為其他人, 其他事, 而令妳失去對妳現任男友的信心? 咁係咪對佢好唔公平?

妳要記住究竟誰對誰錯....

別因為過去, 而錯失現在所得到的幸福, 以及破壞將來的幸福....

明明放在眼前的人唔好好珍惜, 而因為過去的事, 或者其他人唔關妳事的經歷, 而影響妳一生的決定, 咁做係好不智的....

人唔可以改變過去, 但係可以珍惜目前, 計劃將來....

如果你又要擔心依樣, 又要擔心果樣, 咁點解你唔諗吓, 當初你又選擇同佢一齊? 如果你有咁多野要擔心, 咁你應該同自己講, 你以後都唔拍拖, 要單身終老!~ 但我諗你又做唔到喎! 既然係咁, 你就要接受, 今日都唔知明天事啦, 更何況係感情依樣野! 唔好將感情睇得咁緊要, 只要大家相處得開心咪得囉, 做咩成日要諗埋晒咁多唔開心既野啫, 如果你覺得依家依個男人係可以負托終身既, 比到安全感你的話, 你唔需要諗將來佢會唔會變心啦, 可能話唔埋, 第日變果個係你自己呢!?!

你唔試同佢一齊去創造將來, 你又點知會係點啫! 或者到時你好幸福, 好開心呢! 如果你成日都諗住係唔好的話, 你就算同邊個一齊, 你都唔會開心囉! 香港人, 放鬆D啦!

或者你試吓多些同你男人傾吓, 你話比佢知, 你有這樣問題, 這種想法, 可能傾多D, 你就會慢慢變得開朗些呢!

再唔係的話, 你可以試吓去揾社工傾吓, 都會有幫助架! 你一定要面對你自己有這些想法, 咁先可以幫到自己架!