踢波點防守?

咩位置都好,只要幫助到球隊,就得啦!!
講到防守,你唔好即刻搶波,敵不動,你不動,人地想過你,你挫低,之後跳步退後,等到人地推甩波,就搶啦!!咁簡單既足球防衛技術,你唔係咁都唔知呀??(潘sir講嫁)

其實唔旲咁煩嫁,你只要see住佢個波同腳,see佢會去邊,仲要早一步到
到時佢一定會唔知點做好,你就突然衝去搶佢個波
我try過好多次do得嫁,再唔得ge就大叫兩個去夾去就一定搶到 la^^

Defensive Midfielder

防守中場：
硬淨、撞得(唔會一拍就散)
位置感好(補位)
有速度(足夠就得，唔駛太快)
有領導能力(控制防線上落)
良好的聯繫能力(防守中場是連結後衛和中場的重要一環)
準確的攔截能力(太過容易攞牌的防守中場算不上一個稱職的防中，隨時球隊因為佢而打少一個)

要練咩：
身型(要大隻唔要肥)、攔截(準確的飛橙)

強的身體，以能力形成第一條防禦線!
如果話用個人技術防守，面對面千祈唔好出腳，側身前後腳丁字步企，等佢起腳推或者射先出腳閂波...如果佢好快要推過你，你趁佢推波之下，未跑之前即刻轉身(用丁字步轉身快)，食哂佢身位。你唔出腳係同佢鬥耐性，delay佢，畀時間隊友番來助守；如果佢急住過你，佢就有弱點。

如果問全隊點守，你地最好打聯防。即是人後面永遠有人，防中後面有中堅，中堅後面有清道夫，各位置之間唔好距離太遠。如果對手扭過防中，中堅要趁佢推過防中果下第一時間上去清波。如果佢過埋中堅，清道夫上。不過正常聯防唔係守1個人用ge，通常係 2 打3或者3打4,，驚畀人猜，人少守人多用ge多。

另一個方法係局佢,4﹑5個同時迫，不過好需要力氣同好易有空位。

仲有方法係打9-0-1，迫到後面密麻麻，佢就冇得扭。不過缺點係難攻，佢格硬扭入黎你地好易犯規；對方應該會用左右邊傳中，你地要頂得。

再唔係出下術，佢地阿根廷人慣用ga喇...
如果你夠老路縱橫可以清波果時連消帶打踢到佢訓擔架。

踢波要用手「牙」住對手﹗好多「香港仔」都冇呢個慨念﹗
仲有人地有腳法，唔好指意裝穴位﹗

不過最重要係體力﹑速度同鬥志，佢過左你地，你地就死追...佢唔扭得好多腳架咋﹗不過呢d要平時練，如果得幾日就冇可能練架喇﹗

你地高幾班話就進攻啦，攻到佢地冇得反擊﹗

緊係睇多d波啦~

睇下果d人點防守呀~

又話者搵教練幫一幫手~



2007-01-17 20:00:03 補充：
防守中場係講緊果個球員o既位置...一個做防守工作o既中場...防守中場是指一個3~4人的中場線，負責防守的其中一個中場球員便是防守中場，他可以不是工兵型球員，也可以不需牛高馬大，只需用"任何方法"截斷敵方的聯繫便可。中場球員通常劃分為防守中場和進攻中場。 防守中場與中後衛的工作性質大同小異。 他們控球在腳的時候會負責搏腳，無球在腳時便要破壞對方的攻勢。 而進攻中場側負責為隊友製造進球機會，甚至自行射門。

2007-01-17 20:00:19 補充：
所有中場球員都需要優秀的基本技術，例如控球和傳球，並且擁有充沛體力。 除此以外，防守中場還要善於剷截。 作為進攻中場, 尤其是創作中場(playmakers), 洞察力和傳送的領悟力可以為身處一個好位置的前鋒創造無價的得分機會。就以上的位置來說, 對速度的要求比較次要，這可以在用球技術上彌補。