分享養狗趣事

我諗你隻狗之前個主人對佢唔好, 所以佢開心地跟你走, 其實狗真係好有性架.
我都有兩隻史納莎, 佢地宜家九個幾月大, 大佬叫Happy,細路叫仔仔, 我係佢地兩個幾月時在朋友家領養既, 佢地係親兄弟, 佢媽媽一共生左八隻都係仔, 我就攞左兩隻百厭仔番黎養, 由佢地乜都唔識宜家叫佢地都知個種感覺真係好開心架, 佢地兩個好鬼o爹, 不過就好鬼活躍,聰明兼者古惑.
有一次我拖地, 拖地前我會抱佢地上梳化就會用個欄欄住佢地唔比佢地落地, 我拖到咁上下, 仔仔就吠, 我當時都冇留意係乜事, 之後佢就吠左好幾次, 我就叫佢唔好嘈媽媽等吹乾地下就比你地落黎, 我就以為佢等得唔耐煩啦, 原來佢吠我就係想話比我知要去尿尿, 皆因我一放佢地,仔仔第一時間就佢個厠所尿尿la. Happy五至六個月時去完大便就會吠話比我知叫我清理, 宜家就冇吠但係會向我面前行黎行去囉, 我自己覺得都好好笑, 佢地雖然講唔到野, 但係佢地係會用吠表達佢地既意思, 用多d時間同埋耐性佢照顧d狗仔, 對狗仔係有好處架, 希望大家真心去對待每一隻狗, 千奇唔好三分鐘熱度.

我有隻狗5 years old 我try個忘記起身她會吠me叫我起身還有我呀哥去camp幾日她坐在門口等他came back

P.S. 還有很多很多寫唔到!!!!!!!!!

我隻迷你史納莎女叫豆豆，佢已經三歲，個樣仲好似bb，我係從網上breeder處買牠回來，佢十分之嗲人，成日要人摸下巴，你隻手一離開佢，佢就會用隻爪抓你隻手，又會用個頭「鐘」你，要你繼續摸，好好笑。

豆小姐又十分之為食，但好得意，佢從來唔食陌生人畀的食物，有一次去pet shop，個哥哥請佢食魚仔，點之佢吐番出來，我以為佢唔鐘意食魚，但我餵佢又好開心咁食，之後有一次我細妹帶佢去獸醫度又係咁，個姐姐畀小食氹佢，佢又唔要，結果我細妹親手畀小食佢，佢至驚驚青青咁食。我地全家從來都冇教過佢唔好食陌生人畀的食物，所以都覺得好奇怪。

我養左豆豆三年，每日返屋企打開門，見到佢好熱情咁歡迎我，或者唔開心時有佢陪伴，我都會好慶幸家中有呢個小朋友，希望大家都愛錫自己的寵物，因為佢地都係你地的家人。

我有兩隻狗狗,一隻係史納沙,一隻係金毛,兩隻都係女仔,不過兩隻都係領養番利~~(史納沙叫柴柴,金毛叫豆豆!)

不過,自從養左佢兩隻大小不良之後,趣事真係多到每一日都發生緊~~

有一日,我同我先生放假,打算帶狗狗去燒野食順度玩吓~不過我發現柴柴,豆豆係時候去沖沖涼,所以出發前帶左佢地去pet stop 修毛毛!我call左的士係我留下等,亞柴柴就好興奮咁上左部的士到,豆豆就需要我同老公出盡九牛二虎之力搬佢上車~

我地同佢兩隻大小不良去到pet stop 修好毛毛後就打算閒去搭小巴入燒烤場,我地去到個小巴站問左個司機比唔比兩隻狗狗上車,司機話無問題,一係坐車頭,一係坐車尾(咁梗係坐車頭啦!方便落車麻!)就係呢個時候,豆豆一支箭衝左上車,跳左上去中間個兩人坐位坐住,係咁望住隔離個學生!
呢個時候柴柴又走埋上車走左去個車頭訓係到望住個司機!但呢個時候我同我老公就忙囉!忙住捉佢兩隻野坐番去車頭,不過,我發現豆豆走去人地到既原因,原來係個學生係到食雞翼所以豆豆走去坐係佢隔離望住佢!!
擾攘一陣後終於開車,不過柴柴仍然唔行落利,係要坐係司機隔離!開車途中見到柴柴跟住部小巴既方向左搖右擺,真係好好笑~~~~~~~~坐左半個鐘頭車終於都到達燒烤場喇~兩隻馬騮即是爭住落車,因為個個燒烤場有好多狗狗既主人會去燒野食,所以佢地好開心~~~~~~(而且個個燒烤場無論你帶幾多隻狗狗去,都只會收兩個大人錢,好抵咖!)

希望各位狗主都會同你/妳的狗狗共渡開心既時光!!

其實我都好鍾意狗狗嫁,不過,我d屋企人唔比我養,話雖如此,但係我都好驚第日隻狗狗唔係度,我會好傷心!!!

我有隻狗仔好細隻開始養

其實係大狗,拳師

佢好乖

有次我扮死左,唔應佢瞓係地下

佢初初係甘圍著我走,跟著驚起上黎
去我阿爸間房抓門

有次去旅行
佢係朋友屋企咩都唔食

超級有靈性既狗女