汽車失控！！指教！

我知你講邊個彎, 嗰個彎我都有轉, 老幾急, 加上路面係石屎唔係柏油, 唔係好咬地, 部車仲會一路轉彎一路有輕微跳彈
落細雨因為啲雨同路面的油和污混合, 會有一啲好跣的嘢形成, 好易跣, 我自己以不慢的速度轉一個90度彎都試過

唔知你部係什麼車和用什麼呔,
失控唔好踩brake係防止啲車輪鎖死令跣胎情況加劇,
其實聽你的情況, 可能第一吓唔係失控得好勁, 你跟住向左打轉可能因為你救車過度, 或架車正常後你無立即回軚

聽你說, 可能你架車的車輪定位有問題, 唔一定只係呔尺, 可能會有懸掛系統受損, 引致車輪定位有偏差, 但係呢啲情況都未必會引致濕地失控,
唔知你架車的懸掛有冇受過撞擊, 或高速駛過路搏.
可以攞架車去check吓
你話換完呔部車唔直, 呢個情況係有時會發生, 我家人架車都試過, 不過唔係次次都係, 同埋情況唔會維持好耐
跟車的後備輪, 雖然車呔規格, 闊度和厚度未必同架車的一樣, 但車輪應同正常的車輪直徑一樣, 裝咗唔會行唔直, 唔知你架車的係怎樣的.

以下係小弟的意見,
如果你部車的性能真係唔識會開得快(你自己應該feel到), 就唯有唔好開咁快
失控時盡自己的能力同意志救車
有時擺尾可能只係擺一擺, 唔一定會撞牆, 可能你未救軚佢已經正常番,或者你只係要救小小軚,
救軚時唔好踏brake, 起碼唔好落重barke
可以輕輕被油(唔好大油), 令部車有輕微動力, 令架車重心微微向後, 令尾部定番
感到部車受救時好即刻回直盤軚
如果可以的話, 換啲好啲和闊啲的軚
其實這些反應如果要做得好係最好受過吓訓練, 不過我覺得如果有玩過吓賽車game的, 對啲救車本能反應和動作協調會有啲幫助,

1)軚尺有問題!或者是???(我唔記得個名)!!!
2)落細雨最跣!因為路面油漬浮哂出來!但沖唔去!大雨會好d!!
平時踩brake時先收慢!再慢慢印落去!!不要一吓踩落去!!
跣軚時順勢扭反軚!同時慢慢盡量令部車行直線!踩brake將車停定!

你可以去機舖練習!!同打機漂移差唔多!!

聲明:
這個方法只喺幫你盡力救車!!我唔保證你唔撞!!