小提琴課程一問!!

其實　廿幾歲　又有興趣學　應該的起心肝跟一個可以令你係頭四堂內就學到基本技術嘅導師　而不是投入六百蚊十二堂　以價錢勁低方式作招徠的小組課程　因為佢地係唔會有具體進度可言　只會去教你用啲半桶水嘅錯姿勢去拉歌　之後就一直隨譜去　十二堂後　琴也未夾得好　弓也握錯　歌能拉一兩首　但仍停留在据木的階段　你只會自覺枉費了三個月而知難而退　（而你的同班同學　即是那些小朋友除外　因為家長不知情　會繼續交錢　也有當托兒所罷了）

而大部份Quit左呢啲課程的人都會對習琴生厭　不會另覓嘗試　就當那段日子時間發了一場夢罷了

當然　成年人是應該有獨立的思維　不應盲目聽從網上不知名人仕的建議　故此我說到這裡先停一停　讓你可以深思熟慮　以便盡快作一個最明智的決定　當然有問題我隨時歡迎只要ｓｅｎｄ封ｅｍａｉｌ到[email protected]　我會盡快回答你

而購買小提琴方面　我不建議你跟工聯會購買　因為我有幾個學生之前係個度學亦都有托個度買琴　佢地啲琴個結構有啲問題　個格式又有問題　啲音又唔平衡　仲有好多位置粗製濫造　歪歪斜斜　買左等於無買　個琴盒仲要勁易爛　可能佢會同你講會幾平幾平　但好有可能會幫你買啲結構上有問題的內地琴（呢個可能性係工聯會更有可能發生　因工聯會同內地的關係較密切）

而小提琴價錢個ｒａｎｇｅ好大　＄３００又有　＄３,０００,０００都有　但首先你要知道小提琴分兩大類　一類是用機器造的　另一類是人手造的

機造既琴　講真幾錢都係差不多　大約三百蚊至千零蚊　如果你未知自己興趣大唔大　就可以平平地買住呢隻試學住先　但記住機造琴絕對無一分錢一分貨的保證　所以最緊要平之如　拉得過同靠得住　以本人經驗　我建議你去通利琴行買＄５５０的標準琴　極度靠得住　音色係一千蚊樓下既琴之中最佳　可以拉到四五級　又唔貴　抵呀　但因為ｔｒａｄｅ唔出（即係無琴室會出錢同你買）其價值有限

反而手造琴　幾千蚊既都可以ｔｒａｄｅ返出去　六成至十成都有　非常保值　加上無論外觀同音色都係獨一無二　單單二千零蚊既手造琴已可拉到七八級　出得大場面　再者　五級後　好多技術　如四度泛音　以及進一步對音效的要求　換ｈａｎｄｍａｄｅ琴是必要的　如果你唔想到時浪費左隻琴　或唔習慣新琴既話　你可以嘗試購入人生中第一支手造提琴　係HONG KONG STRINGS 買經師傅改良的半手造琴為初學的首選　價錢＄２２００　拉到七八級都得　個樣又ｏｋ　熱烈推薦

下列有幾間老實既琴室　琴款較多　價錢最信得過
1.HONG KONG STRINGS
2.ORFEO STRINGS
3.SOLO STRINGS
4.MUSIC CHAMBER
5.凱聲琴行
佢地各自都有自己既網網站　上去攞佢地嘅資料　親身上去試試　呢５間野啲售貨員幾NICE 所以可以慢慢試　直至搵到最適合你的那支提琴為止

祝你搵到一個好老師同埋一隻自己仲意嘅琴啦

通常都$400-800到,

你可以係通利或者其它琴行睇下,

上堂個d同學係會同學校買嫁,

不過我唔係好同意,

因為個d樂器都唔知邊到出,

冇咩保證,

如果係通利買,

好似會有保證期。

其實去琴行學都唔太貴,

唔同級就唔同價錢,

又可以單對單,

學校就一個老師對著一班人學,

好難學到野!

或者你去工聯會學著先,

有興趣咪出去學囉,

你話既↑

請問你在哪區?