法律上的問題

偷野唔一定留案底, 如果係初犯, 金額唔多, 對方又唔追究, 可能會有以下情況:
1 庭外和解; 2 16歲以下初犯, 警方可能唔起訴, 只係警司警誡; 3 簽保守行為, 即係上庭俾法官警誡, 自簽(通常)$1000, (通常)2年內若再犯先交$, 同一定會起訴! 4 上庭但搵律師打甩咗.
另外, 你話個感化官話佢好, 如果見得感化官ge, 就一定已經係認咗或者定咗罪, 咁就一定有案底!
至於個case, 講得case, 就真係case by case! 其實係有可能b君無事, 但要睇埋好多其他証據同資料, 實在好難一概而論!

案底是經法庭定罪後而留下的刑事犯罪紀錄，意思即案件不經法庭處理便沒有案底。

譬如犯案者未成年而又是初犯，加上有悔意，在警署接受期間對阿蛇或馬擔恭恭敬敬，在警誡口供上簡單地說我因一時貪心而偷取，請給我一次機會喇！不用勞煩阿蛇寫太長的話，大多數都會網開一面，不踢你上庭，在警署内部搞掂，被警司罵一餐便可完事，沒有案底。話雖如此，十多嵗少年，年少氣盛，給人照面噴罵，這啖氣其實都很難忍的。

至於a+b君盜竊案件，既然是合謀，兩者都有罪，a君報警篤b君，其實自投羅網，如果不是什麽大案件，警方又怎會需要污點證人，萬一因證據不足，篤b君不成，要阿蛇做了那麽多功夫，阿蛇不找a君出來祭旗便怪，最少他承認盜竊，找他用來交差最好。