脫臉毛的最好方法!

💄 美容台護膚與美體

Kylie

2007-01-17 6:39 am

我想脫左 d 臉毛佢, 有咩方法, 錢價 and 係邊? 唔一定要永久, 間中做都得個 d 都得.
我試過剃過下巴, 但再生返, 有 d 會粗左 >_< 同埋會生暗瘡.. 有咩方法避免?
Thanks~~

回答 (6)

Ling

2007-01-17 7:45 pm

✔ 最佳答案

我塊面都好多毛架~你都真係可以去下美容院做古法線面，因為我自己都有做開，唔好用剃刀剃呀，會愈來愈粗架d毛，我大概半個月至一個月去做facial時順便線面，而家都維持左差唔多大半年啦，塊面d毛愈來愈幼同淺色左，自己係好明顯比較到架!!

不過人人皮膚唔同架~~如果你易敏感的話要講比美容師聽喎，始終有少少刺激性，會好似修眉咁少少紅架~~不過我就冇事囉~同埋初初整會覺得有d痛囉!!慢慢就會慣架啦~

價錢就由百多元至二百多元不等啦~我做開果間就$250，因為唔係間間美容有所以價錢會比較貴d，如果你想平d，有d老人家都會識架~你可以請佢地幫你，我有朋友都係搵佢地幫手，佢地收得平好多，幾廿蚊架咋~

去面毛用古法線面都算係又快又簡單的方法，而且冇副作用呀嘛~

希望幫到你啦~

參考: 個人經驗分享

👍 0 👎 0