訓訓下教好似行路差錯腳`醒左?! 20點

其實大家瞓覺時 或者睇到人地瞓覺, 都會發現到眼球不停移動, 呢個係瞓覺時其中一個 stage, 叫做 REM (Rapid Eye Movement), 中文叫 快速動眼期.

每個人瞓覺由熟睡到醒左, 會經歷唔同既睡眠階段. 主要分兩大類, REM 同 NREM (non-REM).

當你開始瞓時, 介乎清醒同迷糊之間, 就已經進入 stage 1, 佔整體睡眠時間 2-17%. 呢個時候呼吸會減慢, 體溫開始降低, 而腦部亦會開始放鬆. 咁樣就會導致有突然抽一下既情況, 隻腳踩空氣既感覺, 有時會 feel 到墜樓既離心力添. 呢個情況係正常架, 大家放心!!
因為腦部剛開始放鬆, 有d人會出現 入睡幻覺 (hypnagogic hallucinations), 即係好似有知覺, 但係會有夢境出現, 令到d 人分唔清係發夢定清醒.

stage 2 就真係開始失去意識, 對外界環境既感覺會消失. 佔左整體睡眠時間 45-55%.

stage 3 係幫助個人準備進入 stage 4, 佔整體睡眠時間 3-8%.

stage 4 就一般稱為熟睡既階段, 呢個時候係好難整醒佢. 發開口夢, 夢遊, 尿床, 仲有 night terror 既現象.
night terror 中文我唔知係叫咩野, 可能都係叫發惡夢, 但係同 nightmare 唔同. 佢會感覺到驚恐既事情, 但唔會有個完整既故事, 亦都可能會令人大叫. 就算有人整醒佢, 都要過多 10-20分鐘先可以令佢脫離 night terror 既情況, 而醒左之後, 好多時都會記唔起見過d 咩.
有d 人喺呢個 stage 醒左, 會有短暫失憶 (amnesia) 既情況 (唔記得自己係邊個, 身處邊度), 因為佢仲未正式發夢, 腦部未得到充分休息, 不過呢個現象只會出現 1-2分鐘.

以上 4個 stages 係屬於 NREM, 全部加埋佔整體睡眠時間 75-80%.

stage 5 就係 REM 睡眠階段, 發夢都係呢個時候既產品. 腦部亦都會將全日接受到既信息, 用佢獨有既機制黎投射喺夢境上面. 你亦都可以想像腦部全日所受既刺激, 會借夢境黎發泄以得到舒緩既效果.
呢個階段亦都會幫助腦部整固, 排序記憶, 休息. 所以呢個 stage 係好重要, 特別係對兒童發育方面.

一晚睡覺既過程裡面, 會經歷幾個 NREM 同 REM 循環, 呢個循環大約為 90 分鐘. 所以d 學者話, 一個人既睡眠時間最好係 4 個半鐘, 6 個鐘或者 7個半鐘.

順便一提, 如果飲左過量既酒或者食安眠藥, 都會抑制左呢幾個 stages 既出現, 雖然會令人有容易入睡既效果, 但係會造成 睡眠剝奪 (sleep deprivation), 一種對生理唔健康既影響. 如果長期都缺乏睡眠質量, 會出現記憶力衰退, 精神唔能夠集中等影響.


p.s. 本人對 超自然同神秘既事物有好大既興趣, 好多時所遇到既神秘事件, 都係本人研究範圍, 所以會接觸好多生理學, 心理學等等. 亦希望大家用較為科學既態度對待呢類事件, 例如 比鬼責, 瞓覺濛濛瀧瀧時見到既怪事等.

通常你個夢係俾d野絆倒or彈左出去,
跟著可能太過真實,
你個腦分析吾到系現實定夢,
所以作出行路差錯腳既感覺

2007-01-19 17:42:15 補充：
你都可能因為現實個日真系行路差錯腳,腦部就把呢d刺激反映系夢.

其實有時發夢果時靈魂會出竅既
當你既靈魂返番去個身體果時就會有呢種感覺, 因為個靈魂要靠衝力先可以撞返入個身體度, 令你震一震, 造成好似行路差錯腳咁既離心力

我都係呀!!!!!唔知點解!!!
訓訓下教好似行路差錯腳咁..
有d離心力之後醒左??
有冇人知點解會咁既?

我都係呀!!!!!!!!!!唔知點解!!!