小貓似音速鼠四圍亂跑、不停又抓又咬，連自己個籠都搞到亂晒...好頭痛！

1) 佢成日想係個籠到走出黎，不停日嘈夜嘈(好似唔洗訓咁)，放佢出黎，佢就好似過度活躍症咁，好快咁四圍跑(無人追佢打佢)，見到咩野都出晒爪咁抓、或者咬，唔俾佢咬，佢就會咬你抓你

咁你可以買一D俾貓貓玩的玩具,之後你就要同佢一齊玩
列:一個有玲瓏的波,咁你可以係地下滾動下個波佢一定會同你一齊玩的
令外就要買一塊專俾貓貓磨爪的板俾佢,防止見咩都爪,
可以買一D細細仔的公仔俾佢咬

2) 佢一開始跑就唔會停，你想捉佢會好難(因為速度好快)有咩方法令佢停低？

無咩方法..佢咁細係會頑皮D 1,你有野食在手 2.有玩具在手

3) 想抱下佢都唔得，佢會掙扎得好犘利，跟住咬你隻手(就算我幫佢掃毛都唔肯)...其實我只係想大家親近下.點好？
貓唔鍾意俾人抱,,只可以貓做主動去你大腿訓,,
你唔可以抱去你自己身上...但不代表佢唔鍾意你..貓係一種高竇動物 ^^

4) 佢咬床單，我試過say"NO"..捉番佢，甚至細細力打佢頭仔、大脾仔..佢都唔驚..仲反咬我.
頑皮+自衛
但你都要不停SAY NO 因大個後佢就會知道

5) 佢成日整亂自己個籠(fing到d沙周圍都係、整爛毛巾、倒瀉水)，有玩具唔玩，成日騎上個籠框(四腳抓住唔放)不停叫...每日我地都要花時間同佢清理個籠，慘過照顧真BB..
我家中仲有另一隻老貓(已經9歲)，好想佢地可以快D見面(but老貓天生係聾，所以好cool...唔多鍾意俾人搞...小貓咁頑皮..佢實打小貓)
好想小貓可以乖d.....多d俾我地親近....有咩方法...？

慢慢來仲細
可以買動物水樽俾佢..咁就唔會倒瀉水

1.佢好奇姐 遲d慣左就無野架喇 你買d玩具俾佢玩啦
2.食物..or 玩具
3.佢可能未同你熟ma..或者以為你捉佢想同佢玩 ＝＿＝　俾ｄ耐性
４．佢直頭同你玩啦　　我果隻又係　佢做錯事　我打佢　佢追番我黎咬
　以為我同佢玩甘　＝＿＝
５．細細個無時停ｍａ　ｂｂ係好多精力架喇　我果隻果時要同佢玩成２個鐘
佢先停先累　但係佢訓一訓　又要人同佢玩喇

要佢乖就真係好難喇　　始終都仲係細路仔ｍａ　你見佢唔跑成日訓都應該要驚啦
ｂｂ仔係充滿力的．．親近就．．你同佢玩　有時用手餵佢食野囉

你好 ; ) 見你講到隻小貓咁活潑真係開心～

我自己有養貓 , 每一隻都係由 bb 開始養 ,
或者可以參考下我既經驗。

小貓對於一個新環境 , 會感到好奇 , 通常會周圍望下 ,
佢地好鍾意搵 d 窿窿罅罅 , 唔俾你去捉到佢 ,
好似床下底 , 梳化底咁。
而且佢只係黎左屋企 3 日, 當然會對所有人同事物感到陌生。

1) 小貓係只要張開眼就精力充沛 , 佢日嘈夜嘈你 ,
係想有人去陪下佢 , 因為唔鍾意比籠困住。
2-3個月既小貓剛長牙齒會覺得牙痕...咩都會咬,
唔好俾佢習慣咬你既手, 適當既時候用手指篤佢個鼻鼻,
指住自己隻手同佢講痛 , 慢慢佢就知道痛即係唔可以咬。
呢招係一個愛貓既義工教我 ~

2) 基本上你係好難去捉到佢 ,
因為佢唔想被困係籠裡面 ,當佢出左黎 , 就緊係唔願意再入返籠啦~
若然唔想佢周圍走, 可以嘗試用為佢帶上貓頸帶 , 再串上條繩 , 咁就走唔甩喇。

3) 請問你隻小貓係咪花貓 ? 領養? 其實每隻貓都有佢自己既性格 ,
或者小貓唔鍾意呢種友好方式 , 你可以用零食tum下佢,
令佢知道乖乖咁接近你會有獎勵。

4) 正如之前所講, 小貓牙齒發育既時候會牙痕咩都咬一餐,
唔一定係床單, 報紙, 膠袋, 毛巾咩都可能咬,
你要慢慢教佢, 我建議唔好用手打頭...
你可以用低沈少少既聲線話佢。
因為習慣左之後, 當你想摸佢個頭既時候, 佢可能會以為你打佢,
會作出反抗....到時傷身又傷心。

5) 正常健康既小貓都會整亂自己個籠, 佢會好似蜘蛛俠一樣爬黎爬去 ; ))
其實你可以用塊布蓋住小貓個籠, 日間既時候就蓋三面,
夜間就四面都蓋上, 當佢見唔到野就會慢慢安靜落黎。
你可以用 d 重身 d 既碗仔俾佢, 用膠既碗仔好易比佢踢到亂哂...

關於你大貓果方面, 你記住多d係你細貓面前抱多d, 前錫多d大貓,
因為大貓會覺得隻細貓有威脅, 可能會傷害佢架,
要比細貓知道屋企既地位, 等大貓有安全感,
佢地既關係就會融洽好多 。

其實小貓係需要多 d心思同時間去照顧架, 正如人類既 bb一樣,
因為佢地仲未懂事, 唔知邊樣岩邊樣錯,
你要慢慢教佢, 並唔係一日或者一個星期就做得到。

（我感覺）：　佢好似中左邪．．．．