纖維瘤手術須要留院嗎

子宮纖維瘤同子宮肌瘤其實是一樣的
很多人都有﹐絕大部分是良性﹐未必一定要切除
一般做手術的原因有
１太大了﹐肚都凸出黎
２大得很快﹐令人懷疑不是良性纖維瘤
３位置靠近內膜﹐影響經血增加﹐藥物又控制唔到
４有其他可以考慮切除子宮的情況﹐如子宮下垂
５病人太過憂慮影響生活
子宮纖維瘤的切除唔只一個方法
如果纖維瘤的位置是靠近內膜
有可能做子宮內窺鏡已經可以摘除纖維瘤 (myomectomy)
咁就唔駛留院﹐可以保留子宮
如果纖維瘤的位置唔容許咁做﹐就要切除子宮
方法有傳統開肚﹐經陰道及腹腔鏡輔助經陰道
視乎你個人的情況﹐你的醫生會幫你揀
傳統開肚 (TAH) 係最簡單但傷口最大﹐復原時間最長
經陰道 (VH) 只適合比較細的子宮瘤﹐表面無傷口
腹腔鏡輔助經陰道 (LAVH) 是在肚皮開幾個窿﹐肚臍底的一個會大少少﹐其他都是一兩個 cm 咁上下﹐用腹腔鏡將子宮同身體的組織分離出黎﹐之後從陰道切除﹐復原時間是兩者之間
子宮切除是很普通的手術﹐不用太擔心
一間醫院一日點都做幾個
如無意外﹐身體好的都可以幾日出院

如果你的子宮纖維瘤超過5cm的話，你就需要將它切除。
現在的醫學科技切除子宮纖維瘤會採用微創手術效果最佳，
即是用手術刀在腹部開四個小孔，再從其中一個小孔放入腹腔鏡，
然後放入手術鉗將纖維瘤切除。
在私家醫院做這個手術收費大概三至五萬元左右埋單，
大概要留院四至五天，而兩至三個星期左右可以完全康復。

depends on 手術方法, 你應該同醫生discuss下, 醫生一般情況會選擇invasion最minimal既方法,e.g.用內窺鏡,可能through陰道入or响肚皮開洞,咁病人會好快recover.e.g. if 肚皮開洞傷口好細(1cm each),留院三幾日可以出院,anyway你要同番醫生discuss你個case