英國學車一問?

英國梗係有得學車啦~ 17歲就可以學, 考到牌可以即刻揸車, 不過燕梳唔會平, 第一: young driver, 即係25歲以下; 第二: inexperience driver, 即係未夠三年牌。淨係呢兩樣嘢加埋, 墊底費會幾費, 所以好多人17歲考到牌之後會「雪藏」, 即係唔揸車, 等夠牌夠歲先揸, 到你夠牌夠歲, 話之你之前從未揸過, 燕梳都會平啲

至於英國學車平唔平, 呢樣好難定義, 英國同樣有正統既駕駛學校, 亦有私人教, 私人教會平少少, 我學嗰時十磅一堂 (一粒鐘), 以而家既匯率, 十概百四、五蚊左右

英國牌返香港唔可以用, 要去運輸署轉牌 (好似係俾幾舊水), 香港牌有效期為十年, 而英國牌則有五十年, 我廿一歲响英國考牌, 我計過我可以揸到七十歲都得~~

呀!!! 講漏咗一樣, 英國牌轉香港牌後只會係1字牌, 即係只可以揸私家車, 電單車、貨van或以上既都唔得; 仲有, 棍波牌可以揸棍波及自動波, 自動波牌就只可以揸自動波, 呢樣你應該知啦~~

唔知幫唔幫到你呢~?

2007-01-26 05:11:47 補充：
呀!! 依家好似話轉咗制, 所以我唔知英國牌係咪仲係五十年有效期, 因為我都有好幾年冇返過英國, 所以唔知而家咩情況..... @.@