想問有冇for男仔ge保暖絲襪or襪褲賣?

男仔唔會著絲襪或襪褲，男仔著嗰啲其實叫做衛生褲，俗稱「虧佬褲」。一般在屋村商舖買到的牌子有Talent(約$25)和菊花牌(約$40)，這些都是棉質，質料較厚，所以如果面褲係西褲或牛仔褲，建議買以下介紹數款質料較薄及貼身的款式。
Uniqlo每年到最凍的日子，都會有出一款貼身的棉質衛生褲，價錢只係$120，有幾種顏色可供選擇，不過呢樣嘢唔係經常有貨，每年只賣一段好短的日子，好似我咁，我前年已經睇中左條深灰色M碼，可惜，M碼只剩下一些我最討厭的顏色；06年年尾，又俾我發現佢，可惜，M碼所有色都有，係賣晒我最想要嘅深灰色，所以搵唔搵到...只可說句可遇不可求。
除此之外，我還有三款介紹你，分別是雞仔嘜的心膚吸系列男裝長褲，柔此暖系列男裝長褲和傳統羊毛系列男裝長褲。

雞仔嘜心膚吸系列男裝長褲 (灰色) $218
以薄身的歐洲纖維達至保暖、排汗和輕巧的功能
雞仔嘜柔此暖系列男裝長褲 (黑/白/啡/肉) $358
薄裝的男裝百分百純美麗諾羊毛褲，有保暖、透氣及柔軟等特點
雞仔嘜傳統羊毛系列男裝長褲 (啡/白) $432
是傳統的厚裝百分百純美麗諾羊毛褲，極之保暖，個人認為在香港就冇乜必要著呢個系列，不過如果去到會落雪或零度以下的地方，這是個不錯選擇
最後想向你解釋一下男裝的衛生褲是怎樣穿的，基本上所有男裝衛生褲的設計都是揸腳款式，目的係做到貼身的效果，通常是穿一雙長襪，然後以長襪包裹著衛生褲的褲腳，這樣衛生褲便不會走位，亦不會因座下時面褲的褲腳因抽起而讓人看到衛生褲的尷尬情況。

英國d人點著我就唔多知la
不過記得天陰雨濕都會幾寒...
我daddy冬天常穿long johns(長內衣褲), 丫媽叫"規"佬褲的
賣男裝內衣的地方會有

去the north face shop買啦！有男庄保暖褲架，for打厎的，我有朋友試過好得架！沙田同銅鑼灣都有分店！而尖沙咀羽絨城都有架！