點睇捐贈器官

將明明有用o既器官放埋落棺材係好自私o既事.
我覺得呢o的叫做"死都唔益人".
香港醫生好有道德,黑巿買賣器官亦唔普及,我信香港醫生唔會因為救另一個人o既命而放棄眼前o既傷者o既命.
每年有成千人等器官捐贈,而成功捐出o既只得約五十個,超過九成人等唔到,如果佢o地係你識得o既人,你就會唔明白點解有人咁狠心自己救唔返都唔俾機會其他人生存.
我朋友半年前去世,佢都簽o左器官捐贈咭,但係因為超過四小時,已經唔用得,所以唔係話想捐就可以捐,捐得到,其實都係一種福氣.
有一個器官捐贈者親屬講過,雖然佢冇o左個仔,但係個仔對眼,個肝同個腎而家都o係其他人身上生存住,某程度上好似個仔未死噉.呢句說話,我記到而家.

2007-01-16 01:33:43 補充：
器官捐贈咭可以o係紅十字會,醫院同民政事務處免費索取.最好填一式兩份,銀包放一張,另一張交俾醫院keep record,萬一有咩事,醫院都會知道你願意捐出器官,唔怕搵唔到你隨身o個張.最重要o既係搵機會同你家人講你o既意願,因為唔少填o左o既人捐唔成都係因為家人阻止.

2007-01-26 00:36:17 補充：
希望多O的人有得救啦.

因為有不少人以為﹐當醫生/醫院見到你張器官捐贈卡﹐
雙眼會發光﹐跟住停手等個傷者/病人死﹐
不過呢個想法係錯錯錯錯錯得好緊要架﹗

捐贈器官係一樣好有意義的事情﹐大家記住要支持。

可能有d人唔想先人or自己識既人既屍體唔完整,又覺得佢地硬係少左d野咁~所以寧願火化or土藏...其實好似你咁講,捐贈器官係好有意義既事,可能好多人唔似邊度有得填寫呢d捐贈器官咭者...