巴士係邊入油?

所有專利巴士都係用免稅柴油, 所以專利巴士係需要返巴士廠入油, 而一架巴士每日需入兩次油, 第一次係早夜更交接時間, 由早更車長跑完尾轉車(大約2:30-4:30)之後將巴士駛返車廠入油之後折返總站收工; 而夜更就係完成全日工作之後返車廠再入一次.
油公司每日都有專車運送燃油到巴士車廠, 而巴士車廠油坑地點大概如下:
(九巴)
荔枝角廠--興華街西入口
九龍灣廠--臨華街入口
上水廠--舊巴士總站入口
屯門廠--81廠建泰街入口
沙田廠--源順圍入口
元朗廠--康業街入口
小蠔灣廠
(新/城巴)
海洋公園廠--海洋公園道
黃竹坑廠--香業道入口
柴灣創富道
屯門南廠--屯義街
火炭一廠--禾上墩街
而有朋友見城巴到一般油站入油, 係因為城巴同時經營非專利屋村巴士服務, 呢類巴士等同旅遊巴, 係冇燃油稅項減免優惠, 所以至需要到油站入油, 而城巴每部非專利巴士上面都有一張獨立油卡, 卡上面印有巴士車牌, 只可用於同一架巴士, 轉比第二架都唔得.

城巴海洋公園已經無得入油!!要在黃竹坑廠入油!
另外九巴和新巴在將軍澳也有車廠!
城巴在小蠔灣也有車廠!

巴士唔會係外面的油站入油，
會係巴士的車廠到入油。

巴士通常會在巴士廠內入油，而巴士免了柴油稅，所以他們會自設油站。(特別係九巴)

大多巴士廠,唔係就去Esso入(真係見過),但通通城巴,唔見九巴同新巴

巴士應該在巴士廠入油
不會在油站入油

專利巴士公司因為可以注入免稅柴油關係，
通常自行於車廠內設有油缸及入油設備。

而由於城巴有部分車輛為非專利巴士，
它們不能享有政府給予專利巴士的免稅優惠，
故此可隨意在合約油公司市面上的油站入油。

係巴士廠入油