點解D纖維木地板呎價相差達接近十倍之多?有請內行人仕指點,感謝!急!!!
2007-01-16 6:39 am
新屋裝修,急買纖維木地板,在快意店看中的樣板,店員報價達80元/呎,再去旺角上海街一間叫源x達的木業地板公司見到牌子叫''森柏斯高''的纖維地板,老板話11.5元/呎,呎吋805mm x 112mm x12mm厚,另一件薄身些的為9.5元/呎,脚線8呎1條,每絛36元(两件本人都中意,樣板拿上手也覺質素唔差)真想落訂,但是還是回家上網問問在行的網友俾個意見,以上牌子有否認識,指教一下,謝謝! 我也問了老板有無此板的介紹單張,佢答話無,另因show出的样版看不到有牌子,,本人擔心萬一商户掛出的是其他大品牌靚板裁出來做森柏斯高品牌的样版,等客人看到質素唔錯而且價格又相宜而落訂,但實際送去客户的貨品質素是两回事,本人最怕收貨時出現貨不對版的情况而跟商户爭執就麻煩,我的擔心是否多余?旺角區的木行地板公司有否這種不良經營手法,有否哪一間木行信譽良好介紹一下,另買時有什麽要留意的?非常多謝指教我的內行朋友或有購買及使用經驗的網友,謝謝!
回答 (4)
2007-01-16 8:02 am
✔ 最佳答案
兩間鋪都係我成日幫襯的公司，兩間鋪都是老實公司，但兩間鋪的產品所賣的檔次是大有分別．快易店，原本總店係荃灣德華街，以代理品牌 QUICK STEP，你所說的價錢，應該是最貴的形號，品質肯定ＶＥＲＹ ＧＯＯＤ，不過我覺得太貴了．仲貴個做實木！佢最大的賣點是耐磨性高，而且阻燃性很大．有個形號係平啲的，應該賣＄３８／呎！
源Ｘ達，全港得一間就係旺角上海街，該間公司不是專門代理某種牌子，是典形的拆家（零售商），佢地賣的價錢是很實際，肯定唔會貴左去邊．不用擔心貨不對辨，你買Ａ貨，人地就畀Ａ貨你，唔會畀左Ｂ貨你，只係你識唔識貨的問題！不過如果你要買ＱＵＩＣＫ ＳＴＥＰ，我估佢冇得賣，因為快意店應該唔會放啲貨出去其他的木行，地板鋪．因為要更有效管理市場價格，以免拆街爭食，玩鬥價遊戲．
雖然本人未見過，或沒有留意森柏斯高品牌的地板，可能太新，加上近排啲客都係做磚多．但看價錢已知是大槪咩貨，十成十都係大陸貨，但不要說大陸貨唔好，因為全世界有６成以上的地板是MADE IN CHINA. 質素應該是中等．冇問題！當然好唔過ＱＵＩＣＫ ＳＴＥＰ，但價錢差近七八倍，你自己認為值唔值？本人認為真係貴左！
至於旺角有冇木行用不良手法經營 ，我可以肯定答你係冇，係旺角開親的，個個都老字號，老闆根本大把水，唔駛握人！不過價錢是肯定有少少差別，源Ｘ達肯定唔貴．
通常有錢的人係唔會做埋啲鬼祟嘢，少數目真係握你都費事，啲股仔升一個價位都大大唔止厘條數．反而成日話冇錢的你更要留意佢．這是個做人的經驗！
YOKI WONG
圖片參考：http://hk.yimg.com/i/icon/16/5.gif
參考: 我係開裝修公司的
2007-02-02 2:24 am
YOKI可不可以詳細一點解釋兩者的分別?
2007-01-17 10:47 am
旺角果度係平d好正常,佢地直接入口=批發,
快意店呢d只係做代理,多數係木業地板公司之類到訂,
自然會貴d,佢地賺d差額
快意店呢d只係做代理,多數係木業地板公司之類到訂,
自然會貴d,佢地賺d差額
2007-01-16 11:16 am
同意 YOKI WONG 的講法 , 如果要纖維料 , 又捨得洗錢的話 , Quick Step 係好好的選擇 !
收錄日期: 2021-04-12 23:15:11
原文連結 [永久失效]:
https://hk.answers.yahoo.com/question/index?qid=20070115000051KK05268