其實年輕人都會想玩,但除o左想玩,希望你亦明白並實行負責任.
咩係負責任?
你有冇諗過點解父母會成日煩你~唔俾你出夜街?
你大概都心中有數...因為你話過自己好想快d大個~即係你其實好明白你自己仲細(至少在父母心中亦如是)
如果你係父母,面對一個16歲的女兒,你認為佢點做你先會放心俾佢出街?
係咪一句都唔交帶?想幾夜返就幾夜返?
請將你o既想法同父母好好講.
你話「但係最後.到時咪又係唔俾.」
請自己老老實實問心,係咪因為之前有過不良記錄,破壞o左你同父母之間o既約定?
如果有,請好好地道歉,並鄭重地承諾自己下次絕不再犯~就好似朋友約o左你但佢唔守時,你都會嬲~並且好懷疑佢下次其實係咪又會遲,都唔知約唔約佢好~係咪?
請好好地問父母,佢地對出夜街o既感覺,要求返家係幾點.再努力遵守.一段時間後,相信你父母應該冇咁抗拒你出夜街,甚至可以提出出夜少少.
煩你,係因為佢o地驚你仲未識得自律,仲未識得向自己同家人負責任.
自己可以放縱自己,但係咁做又是否對得住家人?
出o左事....就算你覺得佢o地好煩~多鬼餘,但佢地仍然會不自覺地擔心你.
就睇在佢o地呢種自發性擔心,多為家人想想,多跟佢地講o下.
男朋友....每個父母都擔心.係就係煩....但只可以一次又一次地否認,因為世上冇一樣叫「冇男朋友證明書」,只得靠你親口否認.
佢地生o左你之後,俾飯你食,俾屋你訓,你仲要求d乜鬼o野零用錢?
請記住,零用錢係父母俾你o既恩賜,法律上亦無一條話,一定要俾子女零用錢!!!係咪?
你可以話:咁做咩生bb呀!!!哈哈~佢o地咪養緊你囉傻女~要求太多好似係你o既問題!!!
呢個世界真係好現實...你有貢獻有出過勞力,先有權大聲d,睇清楚現實la!!!
再講~俾著你~有錢會唔會想留番起養老或自己用???
到你老o左,你會唔會諗(就好似你講)個人生係你自己個仔/女,做咩要俾咁多錢佢洗?
好啦講番d好聽do既~唔俾咁多錢你買衫係驚你大洗,你自己慳埋都有幾百蚊,每個月最少都買到一件衫了吧?你仲要求d乜?唔通你以為自己發o左達每個月都可以買好多衫???
反而,我覺得俾少d你係鍛鍊你係理財方面o既運用,請讚賞你自己,因為你知道,無論你生活幾窮都好,你都有辦法每個月買到一件衫,is it great^_
參考: 自己
其實點解你唔識企喺你父母度諗吓? 佢地唔緊你就唔會問呢問路啦!
唔通要佢地唔理你, 你就話好咩! 到時你可能又話, 點解我父母唔理我!
你阿媽慳慳埋埋都係想一家人生活好些少, 若然佢都係好大洗, 買件衫
都幾百幾百, 遲早洗到無果時你仲慘! 若然你唔睇得物質咁重, 就容易
過, 無咁勞氣, 點解你要去同人比較, 人地有幾百呅件衫, 你又想要, 點
解你又唔去同果d連新衫都買唔起既嚟比較呢? 等你出去搵食時, 你就
知搵食艱難, 做人唔係只為物質而生存咖! 咁你即係貪威識食啫! 你想
父母唔煩你, 去做孤兒咪無人煩你囉! 咁大個人都唔識想! 你用吓腦啦!
仲有呀 ~ 你未夠十八歲, 父母要管你有乜唔岩! 你呢種人真係身在福中
不知福. 講你都唔明咖啦!
